સોનગઢના બાપાસીતારામ નગરમાં ગંજી પાનાનો જુગાર રમતા 4 ઝડપાયા,45 હજારનો મુદ્દામાલ જપ્ત

સોનગઢ પોલીસે બાપાસીતારામ નગરમાંથી ગેરકાયદેસર રીતે ગંજી પાનાનો પૈસા પર હાર જીતનો જુગાર રમતા 4 જુગારીઓને ઝડપી પાડ્યા હતા.તેમજ અંદાજે 45 હજારનો મુદ્દામાલ જપ્ત કરવામાં આવ્યો હતો.

સોનગઢ પોલીસ સ્ટાફના માણસોને ખાનગી રાહે બાતમી મળી હતી કે,બાપાસીતારામ નગરમાં આવેલ સાઈબાબા મંદિરના ઓટલા ઉપર કેટલાક ઈસમો ગંજી પાનાનો પૈસા પર રમી રહ્યા છે.જે બાતમીના આધારે પોલીસ સ્ટાફના માણસો એ સાઈબાબા મંદિરના ઓટલા ઉપર રેડ કરી હતી.ત્યારે પોલીસે સ્થળ પરથી સુનિલગીરી હટુગીરી ગોસ્વામી તથા ધારાગીરી હટુગીરી ગોસ્વામી તથા વિવેકાનંદ સદાનંદ ગોસ્વામી તથા આકાશગીરી રાજેશગીરી ગોસ્વામી (તમામ રહે.સોનગઢ તા.સોનગઢ જી.તાપી) એમ મળી કુલ ચાર ની અટકાયત કરી હતી. તેમજ રોકડ તથા મોટરસાયકલ નંગ 1 તથા મોબાઇલ નંગ 2 એમ  મળી કુલ 45,520/-નો  મુદ્દામાલ જપ્ત કરવામાં આવ્યો હતો. સોનગઢ પોલીસે આ અંગે ગુનો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590