સોનગઢના ધજાંબા ગામે અજાણ્યા પિકઅપ ચાલકે મોટરસાયકલ અડફેટે લેતા ,માતા - પિતા અને પુત્રને ઈજા

સોનગઢ તાલુકાના દુમદા ગામે  રહેતા માતા - પિતા અને પુત્ર મજૂરી કામ અર્થે મોટરસાયકલ પર સવાર થઈ  જઈ રહ્યા હતા.ત્યારે કોઈ અજાણ્યા બોલેરો પિકઅપ ચાલકે તેમની મોટરસાયકલને ટક્કર મારી દેતાં અકસ્માત સર્જાયો હતો.જેમાં ત્રણેય ને ઈજા પહોંચી હતી.

સોનગઢ તાલુકાના દુમદા ગામ ખાતે રહેતા એલિસા વિપુલ વળવી અને તેમના પતિ વિપુલ રાજેશ વળવી તથા તેમનો પુત્ર ફિયોન મોટર સાયકલ રજી. નં.-GJ 16 BA 2224  પર સવાર થઈને મજૂરી કામ  કરવા માટે અંકલેશ્વર તરફ  જઈ રહ્યા હતા.ત્યારે ધજાંબા ગામની સીમમાં ટેકરા પાસેથી પસાર થતી વેળાએ અજાણ્યા બોલેરો પિકઅપ ચાલકે મોટરસાયકલ ને ટક્કર મારી દેતાં અકસ્માત સર્જાયો હતો.અકસ્માતમાં પરિવાર ના ત્રણેય સભ્યોને શરીરે ઇજાઓ પહોંચી હતી.ત્યારે તેમને તાત્કાલિક હોસ્પિટલ ખાતે ખસેડવામાં આવ્યા હતા.જોકે અકસ્માત કરીને વાહન ચાલક નાસી છૂટયો હતો.અકસ્માતને લઈને સોનગઢ પોલીસે ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590