IPL: અમદાવાદમાં 31મીથી IPLની ધમાકેદાર શરૂઆત થશે

ઈન્ડિયન પ્રીમિયર લીગ (IPL) શુક્રવારથી શરૂ થઈ રહી છે. ઉદઘાટન સમારોહ વિશ્વના સૌથી મોટા ક્રિકેટ સ્ટેડિયમ - નરેન્દ્ર મોદી સ્ટેડિયમ - અમદાવાદના મોટેરા ખાતે યોજાશે. પ્રથમ મેચ ડિફેન્ડિંગ ચેમ્પિયન ગુજરાત ટાઇટન્સ અને ચેન્નાઇ સુપર કિંગ્સ વચ્ચે રમાશે.

આ પહેલા સાંજે 6 કલાકે રંગારંગ કાર્યક્રમોનું આયોજન કરવામાં આવ્યું છે. જેમાં બોલિવૂડ સ્ટાર્સ ટાઈગર શ્રોફ, કેટરિના કૈફ, તમન્ના ભાટિયા અને રશ્મિકા મંધાના પરફોર્મ કરશે. જાણીતા ગાયક અરિજિત સિંહ નું લાઈવ પર્ફોર્મન્સ પણ હશે.
ચાર વર્ષ બાદ ઉદઘાટન સમારોહ યોજાશે. 

2018 પછી આ પ્રથમ વખત હશે જ્યારે IPL ટૂર્નામેન્ટની ઓપનિંગ સેરેમની યોજાશે. પુલવામાં હુમલાને કારણે BCCI દ્વારા 2019 IPLની ઓપનિગ સેરેમની રદ કરવામાં આવી હતી. 2020 થી 2022 સુધી, કોવિડ નિયંત્રણને કારણે આ ઉજવણી થઈ શકી નથી.

અમદાવાદ. IPL ટુર્નામેન્ટ દરમિયાન, અમદાવાદ મેટ્રો ટ્રેન સેવા મેચના દિવસોમાં સવારે 1.30 વાગ્યા સુધી ચાલશે. જેના કારણે મેચ જોયા બાદ ક્રિકેટ પ્રેમીઓ મેટ્રો ટ્રેન દ્વારા સરળતાથી મુસાફરી કરી શકશે અને પોતાના ઘરે જઈ શકશે. IPL ટૂર્નામેન્ટની પ્રથમ મેચ 31 માર્ચે મોટેરાના નરેન્દ્ર મોદી સ્ટેડિયમમાં ડિફેન્ડિંગ ચેમ્પિયન ગુજરાત ટાઇટન્સ અને ચેન્નાઈ સુપર કિંગ્સ વચ્ચે રમાશે. આ ટુર્નામેન્ટ દરમિયાન અહીં કુલ સાત મેચો રમાશે. મેચો સાંજે 7.30 વાગ્યાથી શરૂ થશે અને મોડી રાત સુધી ચાલશે. આથી દર્શકોની સુવિધા માટે મેટ્રો ટ્રેન સેવા મેચના દિવસોમાં સવારે 1.30 વાગ્યા સુધી ચલાવવામાં આવશે.

IPL મેચના પ્રથમ દિવસે એક લાખથી વધુ દર્શકો સ્ટેડિયમમાં પહોંચશે. સ્ટેડિયમની ક્ષમતા 1.32 લાખ દર્શકોની છે. દર્શકોના સ્ટેડિયમ સુધી પહોંચવા માટે 29 BRTS બસો મુકવામાં આવી છે. મેટ્રો ટ્રેન સેવા પણ સવારે 2.30 વાગ્યા સુધી ચાલશે. કડક સુરક્ષા

બીજી તરફ IPLની પ્રથમ મેચ અને ઓપનિંગ સેરેમની માટે પોલીસ પ્રશાસન દ્વારા કડક સુરક્ષા વ્યવસ્થા કરવામાં આવી છે. ટ્રાફિક અને સુરક્ષા વ્યવસ્થામાં 3100થી વધુ પોલીસ કર્મચારીઓ અને 800 ખાનગી સુરક્ષા કર્મચારીઓ રહેશે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590