વાલોડની વિરપોર કોલેજની સામે અજાણ્ય વાહન ચાલકે બાઈકને ટક્કર મારી દેતા અકસ્માત,મહિલાનું મોત,ત્રણને ઈજા

વાલોડ તાલુકાના વિરપોર ગામ ખાતે કોલેજની સામે બેડચીત બુહારી રોડ ઉપર  એક અજાણ્યા વાહન ચાલકે મોટરસાયકલને ટક્કર મારી દેતા અકસ્માત સર્જાયો હતો.અકસ્માતમાં મોટરસાયકલ પર સવાર મહિલાનું મોત નીપજ્યું હતું.તેમજ મહિલાના પતિ અને બે બાળકોને ઇજાઓ પહોંચી હતી.

વાલોડ તાલુકાના વીરપોર ખાતે આવેલ કોલેજ કેમ્પસમાં પોતાના પરિવાર સાથે રહેતા જયેશ વિઠ્ઠલ દેવાણી પોતાના કબજાની મોટરસાયકલ રજી.નં.GJ -26-AF-7653  પર પાછળ તેમની  પત્ની ભાવના તથા તેમની પુત્રી જેશી (ઉ.વ.૦૪)તથા તેમનો પુત્ર યશ (ઉ.વ.દોઢ વર્ષ)સાથે વાલોડ ખાતે કંઈક કામ અર્થે જઈ રહ્યા હતા.ત્યારે કોલેજ કેમ્પસની બહાર નીકળી રોડ પર આવતા બેંચી તરફથી એક વોક્સવેસન ગાડી રજી. નં.GJ -19-AM-8728 ના ચાલકે પોતાના કબજાની ગાડી પૂર ઝડપે અને ગફલત ભરી રીતે અહંકારી લાવી મોટરસાયકલને ટક્કર મારી દીધી હતી. અકસ્માતમાં પત્ની ભાવનાના માથાના ભાગે ગંભીર ઇજાઓ પહોંચતા મોત નિપજ્યું હતું. તેમજ જયેશ દેવાણી તથા તેના બે બાળકોને ઓછી વધતી ઇજાઓ પહોંચી હતી.જોકે વોક્સવેસન ગાડીનો ચાલક અકસ્માત કરીને નાસી છૂટ્યો હતો.અકસ્માતને લઈને વાલોડ પોલીસે ગુનો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590