રાજપીપળા પોલીસ મથકે ચોરીના ગુનામાં 12 વર્ષથી નાસતા ફરતા વોન્ટેડ આરોપીને તાપી એલસીબીએ નિઝરના કેસરપાડ ખાતેથી ઝડપી પાડ્યો

તાપી લોકલ ક્રાઇમ બ્રાંચ તથા પેરોલ ફર્લો સ્ક્વોર્ડ એ નર્મદા જિલ્લાના રાજપીપળા પોલીસ મથકે છેલ્લા 12 વર્ષથી  ચોરીના ગુન્હામાં નાસતા ફરતા વોન્ટેડ આરોપીને ઝડપી પાડ્યો હતો.

તાપી જિલ્લા એલસીબી તથા પેરોલ ફર્લો સ્ક્વોર્ડ પોલીસ સ્ટાફના ટીમના માણસોને ખાનગી રાહે  બાતમી મળી હતી કે, નર્મદા જિલ્લાના રાજપીપળા પોલીસ મથકે ચોરીના ગુન્હામાં સંડોવાયેલ વોન્ટેડ આરોપી સુભાષ કિશન વળવી કેસરપાડા નાકા પોઇન્ટ ખાતે જોવા મળેલ છે.જે બાતમીના આધારે  રાજપીપળા પોલીસ મથકે ચોરીના ગુન્હામાં છેલ્લા 12 વર્ષથી નાસતા ફરતા વોન્ટેડ આરોપી  સુભાષ કિશન વળવી ( ઉ.વ.૪૨ રહે.વડલી ગામ નિશાળ ફળીયુ તા.નિઝર જી.તાપી)ની અટકાયત કરી હતી. તેમજ  આરોપીની અટકાયત કરીને આરોપીને રાજપીપળા પોલીસને સોંપવાની તજવીજ હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590