નિઝરના મુબારકપુર ગામના પાટીયા નજીક નિઝર- ઉચ્છલ સ્ટેટ હાઇવે પર ગંભીર અક્સ્માત,મહિલાનું મોત, ત્રણ ને ઈજા

મહેશ પાડવી (પ્રતિનિધિ - નિઝર ) નિઝર ગામની સીમ મુબારકપુર ગામના પાટીયાથી વેલ્દા ગામની વચ્ચે નિઝર- ઉચ્છલ સ્ટેટ હાઇવે પર એક અજાણ્યા વાહન ચાલકે કાર ને ટક્કર મારી દેતા ગંભીર અકસ્માત સર્જાયો હતો.જેમાં એક મહિલાનું મોત નિપજ્યું હતું.અને  ત્રણ ને ઈજા પહોંચી હતી.

સુરત ખાતે રહેતા સંતોષ બબન તંબોલી (હાલ રહે. ઉધના ,સુરત  શહેર,મૂળ રહે. કુકરમુંડા તા. કુકરમુંડા જી.તાપી) પોતાના કબ્જાની મારૂતી સુઝુકી કંપનીની ઈગ્નીસ ફોરવ્હીલ ગાડી રજી.નં.GJ-05-RT- 5166 પર સવાર થઈને નિઝર ગામની સીમ મુબારકપુર ગામના પાટીયાથી વેલ્દા ગામની વચ્ચે નિઝર- ઉચ્છલ સ્ટેટ હાઇવે રોડ પરથી પસાર થઈ રહ્યા હતા.ત્યારે એક અજાણ્યા વાહન ચાલકે આ કારને ટક્કર મારી દેતાં,ગંભીર અકસ્માત સર્જાયો હતો.અક્સ્માતમાં કારમાં સવાર સુનંદાબેન  સુધાકર  તંબોલીની( ઉ.વ.૫૮)ને ગંભીર ઇજાઓ પહોંચતા તેમનું મોત નિપજ્યું હતું.તેમજ કારમાં સવાર (૧)સંતોષ બબન તંબોલી (ઉ.વ.૫૫ ),(૨) કવિતાબેન સંતોષ તંબોલી (ઉ.વ.૪૮) , (૩) અનિતાબેન ભાસ્કર તંબોલી (ઉ.વ.૫૩) ,(તમામ હાલ રહે. હરીનગર-૩ બી.આર.સી.ગેટની પાસે ઉધના સુરત. મુળ રહે. કુકરમુંડા નાણાંવટી ચોક તા.કુકરમુંડા જી.તાપી)ને શરીરે ઇજાઓ પહોંચી હતી.અક્સ્માત ને લઈને નિઝર પોલીસે ગુનો નોંધી,આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590