તાપી જિલ્લા એસ.ઓ.જી.પોલીસે સોનગઢ ખાતેથી નાર્કોટિક્સ પદાર્થ ગાંજા સાથે એકને ઝડપી પાડ્યો,૧૩ હજારનો મુદ્દામાલ જપ્ત

તાપી જિલ્લા એસ.ઓ.જી.પોલીસ સ્ટાફના માણસોએ  બાતમીના આધારે સોનગઢ ખાતેથી નાર્કોટિક્સ પદાર્થ ગાંજા  સાથે એકને ઝડપી પાડ્યો હતો.તેમજ ગાંજા સહિત ૧૩,૬૫૦/- નો મુદ્દામાલ જપ્ત કરવામાં આવ્યો હતો.અને એકને વોન્ટેડ જાહેર કરવામાં આવ્યો હતો.

તાપી જિલ્લા એસ.ઓ.જી.પોલીસ સ્ટાફના માણસોને ખાનગી રાહે બાતમી મળી હતી કે,ભાવેશગીરી ઉર્ફે ગુડુ રાજેશ્વરી ગોસ્વામી (૨હે.સોનગઢ, નવાગામ, જમાદાર ફળીયું, તા.સોનગઢ, જી.તાપી) પોતાના ઘરમાં વનસ્પતિ જન્ય શંકાસ્પદ માદક પદાર્થ ગાંજો લાવી વેચાણ કરે  છે.જે બાતમીના આધારે એસ.ઓ.જી.પોલીસ સ્ટાફના માણસોએ સોનગઢના જમાદાર ફળિયા ખાતે રહેતા ભાવેશ ગીરી ઉર્ફે ગુડ્ડુ રાજેશ્વરી ગોસ્વામી ના ઘરે રેડ કરી હતી.ત્યારે સ્થળ પરથી પાસ પરમીટે વગરનો ૮૨૦ ગ્રામ (જેની કિંમત રૂપિયા ૮,૨૦૦/-) ગાંજાનો જથ્થો મળી આવ્યો હતો.જે બાદ પોલીસે ભાવેશ ગીરી ઉર્ફે ગુડ્ડુ રાજેશ્વરી ગોસ્વામી ની અટકાયત કરી હતી.તેમજ સ્થળ પરથી ગાંજા સહિત કુલ કિંમત રૂપિયા ૧૩,૬૫૦/- નો મુદ્દામાલ જપ્ત કરવામાં આવ્યો હતો.અને ગાંજા નો જથ્થો પૂરો પાડનાર મલેન્દ્ર ઉર્ફે રાજુ ચોર અજય સોની (રહે. જુનાગામ,સોનગઢ તા.સોનગઢ જી.તાપી) ને વોન્ટેડ જાહેર કરવામાં આવ્યો હતો.સોનગઢ પોલીસે આ અંગેનો ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590