નેધરલેન્ડમાં ટ્રેન અકસ્માત, 1નું મોત, અનેક ઘાયલ

નેધરલેન્ડમાં આજે એક મોટી ટ્રેન દુર્ઘટનાનો મામલો સામે આવ્યો છે. ટક્કર એટલી જોરદાર હતી કે ટ્રેન પલટી ગઈ અને પાટા પરથી ઉતરી ગઈ. આ ટ્રેન દુર્ઘટનામાં એક વ્યક્તિના મોત ની માહિતી મળી છે.

નેધરલેન્ડ્સમાં ઘણા લોકો માટે તે સારી સવાર ન હતી. તેનું કારણ એક ટ્રેન અકસ્માત હતો. આજે મંગળવાર, 4 એપ્રિલે સવારે નેધરલેન્ડમાં એક ટ્રેન અકસ્માત થયો હતો. આ મામલો સાઉથ વેસ્ટ નેધરલેન્ડનો  છે. અકસ્માતને કારણે ટ્રેન પાટા પરથી ઉતરી ગઈ હતી. વાસ્તવમાં આજે સવારે એક હાઇ સ્પીડ પેસેન્જર ટ્રેનનો અકસ્માત થયો હતો. મુસાફરોથી ભરેલી આ ટ્રેન ખૂબ જ ઝડપે આગળ વધી રહી હતી. પરંતુ સામે બાંધકામના સાધનો હોવાના કારણે આ હાઈસ્પીડ પેસેન્જર ટ્રેન તે બાંધકામના સાધનો સાથે અથડાઈ હતી. ટક્કર એટલી જોરદાર હતી કે ટ્રેન પલટી ગઈ અને પાટા પરથી ઉતરી ગઈ. આ ટ્રેન દુર્ઘટના હેગ અને એમ્સ્ટરડેમની વચ્ચે આવેલા વોરશો ટેન ગામમાં બની હતી.

ટ્રેનના એક કોચમાં  આગ
ટ્રેનની ટક્કર અને પાટા પરથી ઉતરી જવાને કારણે તેના એક કોચમાં પણ આગ લાગી હતી. જોકે સમયસર આગ પર કાબુ મેળવી લેવાયો હતો.

1 વ્યક્તિનું મોત, ઘણા ઘાયલ
દક્ષિણ પશ્ચિમ નેધરલેન્ડ્સમાં આજે સવારે એક ટ્રેન અકસ્માતમાં 1 વ્યક્તિના મોતની પુષ્ટિ કરવામાં આવી છે. એટલું જ નહીં આ ટ્રેન દુર્ઘટના માં લગભગ 50 લોકો ઘાયલ પણ થયા છે. કેટલાક લોકોને નાની મોટી ઈજાઓ થઈ હતી અને નજીકમાં રહેતા લોકોના ઘરે સારવાર આપવામાં આવી હતી. જો કે, ગંભીર રીતે ઘાયલ લોકોને નજીકની હોસ્પિટલમાં લઈ જવામાં આવ્યા હતા, જ્યાં તેમની સારવાર ચાલી રહી છે.

નેધરલેન્ડ રેલ્વેએ એક નિવેદન બહાર પાડ્યું
નેધરલેન્ડ રેલ્વેએ આ ટ્રેન દુર્ઘટના અંગે નિવેદન આપતા નિર્ણય લીધો છે. માહિતી આપતાં નેધરલેન્ડ રેલ્વેએ કહ્યું કે લાદેન અને હેગના કેટલાક વિસ્તારો વચ્ચે ચાલતી ટ્રેન સેવાઓ થોડા સમય માટે સ્થગિત કરી દેવામાં આવી છે. ટ્રેન દુર્ઘટના બાદ એવી અફવા પણ ફેલાઈ રહી હતી કે આ પેસેન્જર ટ્રેન નો અકસ્માત માલસામાન ટ્રેન સાથે અથડાવાના કારણે થયો હતો. પરંતુ નેધરલેન્ડ રેલવેએ તેને ખોટા સમાચાર ગણાવીને ફગાવી દીધા છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590