તાપી પોલીસનો સપાટો : સોનગઢના માંડળ ટોલ નાકા ખાતે બે કારમાં લઈ જવાતા દારૂના જથ્થા સાથે બે ઝડપાયા,૧૩.૧૪ લાખનો મુદ્દામાલ જપ્ત,બે વોન્ટેડ

તાપી લોકલ ક્રાઇમ બ્રાંચ  તથા પેરોલ- ફર્લો સ્કોર્ડએ સોનગઢ ના માંડળ ટોલ નાકા પાસેથી બે કારમાં લઈ જવાતા દારૂના જથ્થા સાથે બે ને ઝડપી પાડ્યા હતા.તેમજ દારૂના જથ્થા સહિત ૧૩.૧૪ લાખનો મુદ્દામાલ જપ્ત કરવામાં આવ્યો હતો.અને બે ને વોન્ટેડ જાહેર કરવામાં આવ્યા હતા.

તાપી લોકલ ક્રાઇમ બ્રાંચ  તથા પેરોલ- ફર્લો સ્કોર્ડ પોલીસ સ્ટાફના માણસોને ખાનગી રાહે બાતમી મળી હતી કે,એક સિલ્વર કલરની મારુતી એસક્રોસ કાર નં.GJ-06-JM-9842 માં બે ઇસમો તથા એક લાલ કલરની હુન્ડાઇ આઇ20 કાર નં.GJ-05-JR-3272 મા બે ઇસમો ઇંગ્લીશ દારૂનો જથ્થો ભરી મહારાષ્ટ્રના નવાપુર તરફથી સુરત તરફ જનાર છે .જે બાતમીના આધારે પોલીસ સ્ટાફના માણસોએ સોનગઢ ને.હા. નં.- ૫૩ ઉપર માંડળ ટોલનાકા ખાતે સોનગઢ થી વ્યારા જતા ટ્રેક પર વોચ ગોઠવી હતી.તે વેળાએ કાર રજી.નં.-GJ-06-JM-9842 તથા કાર રજી.નં.GJ-05-JR-3272 આવતા પોલીસે તેની તપાસ કરી હતી.ત્યારે બંને કારમાંથી ભારતીય બનાવટનો પાસ પરમીટ વગરનો ઇંગ્લિશ દારૂનો જથ્થો મળી આવ્યો હતો.જે બાદ પોલીસે બંને  કારના ચાલક  પ્રગ્નેશ બાબુ માહ્યાવંશી (ઉ.વ.૨૪  મોટી વાકડ, માહ્યાવંશી, ગાંધી ફળીયુ, અંબામાતાના મંદિર પાસે, ભીમપોર નાની દમણ) તથા જીજ્ઞેશ રાજુભાઈ કામળી ( ઉ.વ.૨૯ રહે-નીકલંઠનગર સોસાયટી ઓરવાડ, ઉદવાડા આર એસ, તા.પારડી જી.વલસાડ) ની અટકાયત કરી હતી.તેમજ બંને કારમાંથી મળી આવેલ કુલ દારૂનો જથ્થો જેની કિંમત રૂપિયા ૩,૦૯,૬૦૦/- તથા બંને કાર જેની કિંમત રૂપિયા ૧૦ લાખ તથા  મોબાઈલ જેની કિંમત રૂપિયા ૫ હજાર એમ મળી કુલ કિંમત રૂપિયા ૧૩,૧૪,૬૦૦/- નો મુદ્દામાલ જપ્ત કરવામાં આવ્યો હતો.અને દારૂનો જથ્થો પૂરો પાડનાર અક્ષય સુરેશ પટેલ (રહે.સુખેશ તા.પારડી જી. વલસાડ) તથા વિકી મનુ પટેલ (રહે.ડુંગરી તા.જી. વલસાડ) ને વોન્ટેડ જાહેર કરવામાં આવ્યા હતા.સોનગઢ પોલીસ મથકે આ અંગેનો ગુનો નોંધી,આગળની કાર્યવાહી હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590