વ્યારા પોલીસે વીરપુર ગામની સીમમાંથી મોટરસાયકલ પર લઈ જવાતા દારૂના જથ્થા સાથે એક ઝડપાયો

વ્યારા પોલીસે વીરપુર ગામની સીમમાંથી પસાર થતા વ્યારા  સોનગઢ હાઇવે રોડ ઉપરથી મોટર સાયકલ પર લઈ જવાતા દારૂના જથ્થા સાથે એકને ઝડપી પાડ્યો હતો.તેમજ ૨૪ હજાર કરતાં વધુનો મુદ્દામાલ જપ્ત કરવામાં આવ્યો હતો.

વ્યારા પોલીસ સ્ટાફના માણસોને ખાનગી રાહે બાતમી મળી હતી કે,સોનગઢ તરફથી એક એક્સેસ મોપેડ નં.GJ-26-AC-4128 ઉપર ઇંગ્લીશ દારૂનો જથ્થો લઈને એક ઇસમ વ્યારા તરફ આવે છે.જે બાતમીના આધારે પોલીસ સ્ટાફના માણસોએ વ્યારા સોનગઢ હાઇવે રોડ પર  વિરપુર ફાટક પાસે વોચ ગોઠવી હતી. તે વેળાએ એક્સેસ મોપેડ નં.GJ-26-AC-4128  આવતા પોલીસે તેની તપાસ કરી હતી.ત્યારે પાસ પરમીટ વગરનો ભારતીય બનાવટનો ઇંગ્લિશ દારૂનો જથ્થો મળી આવ્યો હતો.જે બાદ પોલીસે મોટરસાયકલ ચાલક નિર્ભય નિલેશ ગામીત (રહે. ખેકડા , લક્કડકોટ જી. નંદુરબાર મહારાષ્ટ્ર)ની અટકાયત કરવામાં આવી હતી.તેમજ મોટરસાયકલ અને દારૂના જથ્થા સહિત ૨૪,૮૦૦/-  નો મુદ્દામાલ જપ્ત કરવામાં આવ્યો હતો.વ્યારા પોલીસે આ અંગે ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590