તાપી એલસીબીનો સપાટો : વ્યારાના ટીચકપુરા ગામ ખાતે કારમાં લઈ જવાતા દારૂના જથ્થા સાથે મહિલા બુટલેગર ઝડપાઈ, ૧.૩૭ લાખનો મુદ્દામાલ જપ્ત,બે વોન્ટેડ

તાપી જિલ્લા એલસીબીએ વ્યારા તાલુકાના ટીચકપુરા ગામ ખાતેથી કારમાં લઈ જવાતા દારૂના જથ્થા સાથે મહિલા બુટલેગરને ઝડપી પાડી હતી. અને ગેરકાયદેસર દારૂના જથ્થા સહિત કુલ કિંમત રૂપિયા ૧.૩૭ લાખનો મુદ્દામાલ જપ્ત કરવામાં આવ્યો હતો.તેમજ બે ને વોન્ટેડ જાહેર કરવામાં આવ્યા હતા.

તાપી જિલ્લા એલસીબી પોલીસ સ્ટાફના માણસોને ખાનગી રાહે બાતમી મળી હતી કે,એક સફેદ કલરની સેન્ટ્રો કાર રજી.નં.- GJ-05-CL-4664 માં એક બહેન મહારાષ્ટ્ર રાજ્યના નવાપુર તરફથી ઇંગ્લીશ દારૂનો જથ્થો ભરી સોનગઢ થઈ સુરત તરફ જનાર છે.જે બાતમીના આધારે એલસીબી પોલીસ સ્ટાફના માણસોએ વ્યારા ના ટીચકપુરા ગામ ખાતે આવેલ બાયપાસ રોડ પર નાકાબંધી કરી હતી. તે વેળાએ સેન્ટ્રો કાર રજી.નં.- GJ-05-CL-4664  આવતા પોલીસે તેને કોર્ડન કરી,તેની તપાસ કરી હતી. ત્યારે કારમાંથી અલગ અલગ બ્રાન્ડનો ભારતીય બનાવટ નો ઇંગલિશ દારૂનો જથ્થો મળી આવ્યો હતો. જે બાદ પોલીસે કાર ચાલક મહિલા બુટલેગર લીલા ઉર્ફે આશા જીગ્નેશ ઢીમ્મર (રહે. અંકલેશ્વર તા. અંકલેશ્વર જી. ભરૂચ ) ની અટકાયત કરી હતી. તેમજ કુલ દારૂનો જથ્થો જેની કિંમત રૂપિયા ૮૨,૮૦૦/- તથા મોબાઇલ જેની કિંમત રૂપિયા ૫ હજાર તથા કાર જેની કિંમત રૂપિયા ૫૦ હજાર એમ મળી કુલ કિંમત રૂપિયા ૧,૩૭,૮૦૦/- નો મુદ્દામાલ જપ્ત કર્યો હતો.અને દારૂનો જથ્થો પૂરો પાડનાર નવાપુરના એક ઈસમને તથા દારૂનો જથ્થો મંગાવનાર વિજય પરમાર (રહે.અંકલેશ્વર જી.ભરૂચ) એમ બે ને વોન્ટેડ જાહેર કરવામાં આવ્યા હતા.વ્યારા પોલીસ મથકે આ અંગે ગુનો નોંધી,આગળની કાર્યવાહી હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590