ઉચ્છલના મોહપાડા ખાતે ગેરકાયદેસર રીતે વરલી મટકાનો જુગાર રમાડનાર એક ઝડપાયો

ઉચ્છલ પોલીસ સ્ટાફના માણસોએ મોહપાડા ગામની સીમમાંથી ગેરકાયદેસર રીતે વરલી મટકાનો પૈસા પર હાર જીતનો જુગાર રમાડનાર ને ઝડપી પાડ્યો હતો.તેમજ 9 હજાર કરતાં વધુનો  મુદ્દામાલ જપ્ત કરવામાં આવ્યો હતો.

ઉચ્છલ પોલીસ સ્ટાફના માણસોને ખાનગી રાહે બાતમી મળી હતી કે,મોહપાડા ગામના નિશાળ ફળિયામાં રહેતા મણીલાલ હોમા વસાવા પોતાના ઘરની પાછળ આવેલ ખુલ્લી જગ્યામાં મુંબઇથી નીકળતા વરલી મટકાનાં આંકડા ઉપર હારજીતનો જુગાર રમાડે છે.જે બાતમીના આધારે પોલીસ સ્ટાફના માણસો એ મણીલાલ હોમા વસાવાના ઘરની પાછળ રેડ કરી હતી.ત્યારે મણિલાલ વસાવા વરલી મટકાનો આક ફરકનો જુગાર રમાડતા ઝડપાયો હતો.જે બાદ પોલીસે તેની અટકાયત કરી હતી.તેમજ સ્થળ પરથી  9710/- રૂપિયાનો મુદ્દામાલ જપ્ત કરવામાં આવ્યો હતો.ઉચ્છલ પોલીસે આ અંગેનો ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590