અમદાવાદ - આહવા બસમા મહિલા મુસાફર સામાન ભુલી જતા બસ કંડકટરે સામાન પરત કર્યો

એસ ટી તંત્ર અને કર્મચારીઓની ફરજ નિષ્ઠા અને પ્રમાણિકતાને ઉજાગર કરતો આહવા એસ ટી ડેપોને કિસ્સો પ્રકાશમાં આવતા “ સલામત સવારી, એસ ટી અમારી “ સૂત્ર સાર્થક થવા પામ્યુ છે. ગત તા.23 માર્ચ 2023 ના રોજ રાત્રે 8:30 કલાકે અમદાવાદ થી આહવા માટે ઉપડતી એસ ટી બસમા એક પરિવાર અમદાવાદ થી વડોદરા સુધી ની મુસાફરી માટે પોતાના જરૂરી સામાન સાથે બસમાં સવાર થઈ વડોદરા પોતાની મુસાફરી પૂર્ણ કરી બસમાંથી ઉતરી ગયા બાદ,ઘરે જઈ પોતાના સામાન તપાસતા રોકડ રકમ સહિત અગત્યના સામાન સાથે એક મહિલાનું પર્સ ક્યાંક ખોવાઈ જવાની જાણ થતા મુસાફરો ચિંતામાં મુકાયા હતા.

અમદાવાદ-આહવા રૂટની બસ ના ફરજ ઉપરના કંડકટર કર્મચારી  સોલંકી રાજેશકુમાર લક્ષમણસિંહ આહવા, ડેપો કંડકટર બેજ.નં 54A ની સમય સુચકતા થી ખોવાયેલ પાકીટ તેના કબજામાં આવતા,સહી સલામત આહવા ડેપો ખાતે જવાબદાર અધિકારીને જમા કરાવ્યું હતું.આહવા એસ ટી ના કર્મચારીઓ દ્વારા માલસામાન અંગે તપાસ કરી મહિલાને જાણ કરી હતી.સાથે ખોવાયેલ પર્સ સહી સલામત એસ ટી ડેપો આહવા ખાતે છે તે અંગેની જાણ પણ મહિલાને કરવામાં આવી હતી. મહિલા દ્વારા સામાનની ઓળખ કરી તમામ ચીજ વસ્તુઓ તેમજ રોકડ 10,000 ની મત્તા સહી સલામત મેળવી ખુશી ની લાગણી વ્યક્ત કરી હતી.તેમણે આહવા ડેપો મેનેજર  પરમાર તેમજ કંડકટર કર્મચારીનો આભાર વ્યક્ત કર્યો
હતો.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590