વાલોડના વિરપુર ગામમાં ફેકટરીમાં બોઈલર ફાટવાના પ્રકરણમાં બે સામે ગુન્હો દાખલ

વાલોડ તાલુકાના વિરપુર ગામમાં ગત મહિનામાં ફ્રુટ જ્યુસની ફેક્ટરીમાં મશીનરી ફીટ કરવાની કામગીરી ચાલતી હતી ત્યારે હોટ વોટર જનરેટર ટેસ્ટીંગ કરતી  વેળાએ હોટ વોટર જનરેટરમાં બ્લાસ્ટ થતા,3 કર્મચારીઓનું મોત નીપજ્યું હતું. તેમજ 2 ને ઈજા પહોંચી હતી. જે બાદ  પોલીસ દ્વારા તપાસ હાથ ધરવામાં આવી હતી ત્યારે  રાજકોટના મેનેજીગ ડાયરેક્ટર દ્વારા બિન કાર્યક્ષમ કર્મચારી ઓ ને મોકલીને કામ કરાવવામાં આવી રહ્યું હતું.જેને લઇને પોલીસે 2 સામે ગુન્હો નોંધ્યો છે.

ગત તા.04/09/2023 ના રોજ વાલોડ તાલુકાના વીરપુર ગામમાં બુહારીથી બેડચીત જતા રોડની સાઈડમાં નવી  બનતી આદિશક્તિ પ્રોડક્ટસ કંપનીમાં  મશીનરી ફીટ કરવાની કામગીરી ચાલી રહી હતી જે દરમિયાન હોટ વોટર જનરેટર ટેસ્ટીંગ કરવામાં આવતા કોઈક કારણસર હોટ વોટર જનરેટર માં બ્લાસ્ટ થયો હતો. બ્લાસ્ટ થતાં હોટ વોટર જનરેટરના  સ્પેરપાર્ટ દૂર સુધી ફેકાઈ ગયા હતા અને આસપાસની દીવાલ પણ તૂટી ગઈ હતી. હોટ વોટર જનરેટર ના સ્પેરપાર્ટ દિવાલ તોડીને 300 મીટર જેટલા દૂર ફેંકાયા હતા.તેમજ ત્યાં કામ કરતા કારીગર (1) ધર્મેન્દ્ર બુચન (ઉ. વ.૩૮, રહે. કુડહી, ઉસસા પૂર, બલીયા ઉત્તર પ્રદેશ) અને (2)સતીશ શેષનાથ રાજભર  (રહે.ગુરવા મિડઢા, બલીયા,ઉત્તર પ્રદેશ)નું સ્થળ પર જ મોત નીપજ્યું હતું તથા (3) દેવનારાયણ સિરી ભોલા ચૌહાણ (ઉ.વ.32 રહે.કુશહર, ગાયઘાટ, બલીયા ઉત્તર પ્રદેશ)નું ગડત હોસ્પિટલ ખાતે સારવાર દરમિયાન મોત નીપજ્યું હતું.તેમજ (1)વિજય ભિખુ પટેલ (રહે.વિરપોર, ભંડારીવાડ તા.વાલોડ જી.તાપી)અને  (2) રવિ સુરેશ માળી (રહે.બારડોલી તા.બારડોલી જી.સુરત)ને ઇજાઓ પહોંચી હતી.ત્યારે સમગ્ર મામલાને લઈને પોલીસે ગુન્હો નોંધી તજવીજ હાથ ધરી હતી.

ત્યારે તપાસમાં સામે આવ્યું હતું કે,રાજકોટની  રાજ ઇનોટેક પ્રા.લી. ના મેનેજીંગ ડાયરેક્ટર (માલીક) સંજય હિમ્મત ધુલીયા(રહે. રાજપેલેસ માધવ વાટિકા -૧,રાજકોટ ) એ આદીશક્તિ પ્રોડક્ટસની ફેક્ટરીમાં હોટ વોટર જનરેટરના તથા મશીનરીની ફિટિંગ માટે બિનકાર્યક્ષમ અને બિનઅનુભવી   ટેકનીશીયન મોકલવામાં આવ્યા હતા.તેમજ  So PSOPમાં જણાવેલ નિયમોનું પાલન કરવામાં નહોતું આવ્યું.તેમજ બિનકાર્યક્ષમ અને બિનઅનુભવી  કારીગર દેવનારાયણ સીરી ભોલા ચૌહાણ (રહે. કુશહર, ગાયઘાટ જી. બલીયા)દ્વારા હોટ વોટર જનરેટરનું ઇન્સ્ટોલેશન કરવામાં આવી રહ્યું હતું.ત્યારે હોટ વોટર જનરેટરમાં  બ્લાસ્ટ થયો હતો.ત્યારે પોલીસે બંને સામે ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590