સોનગઢના મૈયાલી ગામનો યુવક હનીટ્રેપમાં ફસાયો,વિડિયો કોલ રેકોર્ડ કરી વાયરલ કરવાની ધમકી આપી હજારો રૂપિયા પડાવ્યા

સોનગઢ તાલુકાના મૈયાલી ગામના 25 વર્ષીય યુવકને ફેસબુક પર અજાણી યુવતીએ વિડિયો કોલ કરી,અશ્લીલ હરકતો કરતો વીડિયોની સ્ક્રીન રેકોર્ડ કરીને સોશિયલ મીડિયા પર વાયરલ કરવાની ધમકી આપી કુલ રૂપિયા 66 હજાર પડાવી છેતરપિંડી કરી હતી.જે બાદ મામલો પોલીસ મથકે પહોંચ્યો હતો.

તાપી જિલ્લાના સોનગઢ તાલુકાના મૈયાલી ગામના કિરણ બાલુ ગામીત (રહે.નિશાળ ફળીયુ,ગામ. મૈયાલી તા.સોનગઢ જી.તાપી)ના ફેસબુક પર અજાણી  કવિતા પંડિત નામની આઈ.ડી.પર થી વિડિયો કોલ આવ્યો હતો.વિડિઓ કોલ માં એક અજાણી યુવતી અશ્લીલ હરકતો કરી, યુવક સાથે ઉત્તેજિત વાતો કરી યુવકને અશ્લીલ અવસ્થામાં આવવાનું કહી,તે અવસ્થાના વીડીઓ કોલ રેકોર્ડિંગ કરી લીધું હતું.જે વિડિઓ રેકોર્ડિંગ અપલોડ કરવાની ધમકી વોટ્સએપ મેસેજ દ્વારા આપવામાં આવી હતી. ત્યારબાદ અજાણ્યા નંબર  પરથી કોઇએ વિક્રમ ગોસ્વામી દિલ્હી સી.બી.આઈ ની ઓળખ આપી યુટ્યુબ ઉપર વિડિઓ અપલોડ થયેલ છે જે ડિલીટ કરાવો નહિતર કેસ થશે એવી ધમકી આપવામાં આવી હતી.જે બાદ ગભરાયેલા યુવકે ટુકડે ટુકડે કુલ 66 હજાર રૂપિયા ઓનલાઇન ટ્રાન્સફર કરી દીધા હતા.યુવકને  છેતરપિંડી થઈ હોવાનું જણાઇ આવતાં સાયબર ક્રાઇમમાં ફરિયાદ નોંધાવી હતી.તેમજ સોનગઢ પોલીસે સાયબર ક્રાઈમ અંગેનો ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590