આહવા એસ.ટી.ડેપો દ્વારા આહવા થી ગાંધીનગર નો વધારાનો રુટ શરૂ કરાયો

ગુજરાત રાજ્ય માર્ગ વાહન વ્યવહાર નિગમ દ્વારા રાજ્યના છેવાડે આવેલા ડાંગ જિલ્લાના મુખ્ય મથક આહવા થી, રાજ્યના પાટનગર ગાંધીનગર જતા-આવતા મુસાફરો જનતાની સુવિધા માટે આહવા-ગાંધીનગર નો વધારાનો એક રુટ શરૂ કરવામાં આવ્યો છે.

આહવાના  ડેપો મેનેજર શ્રી કિશોરસિંહ પરમાર તરફથી મળેલી વિગતો અનુસાર ડાંગ જિલ્લા માંથી રોજબરોજ ઘણા વિદ્યાર્થીઓ, સરકારી કર્મચારીઓ/અધિકારીઓ, તથા આમ પ્રજાજનો પાટનગર ગાંધીનગર સુધી જુદા જુદા પ્રસંગે, સરકારી કામે, કે અભ્યાસાર્થે આવતા-જતા હોય છે. જેમની માંગણી અને લાગણી પ્રત્યે ડાંગ કલેક્ટર મહેશ પટેલ તથા એસ.ટી.ડિવિઝન- વલસાડના વિભાગીય નિયામક  એન.એસ.પટેલે હકારાત્મક અભિગમ દાખવતાં, આહવાથી ગાંધીનગર નો એક વધુ રુટ શરૂ કરી, મુસાફર જનતાને તેનો લાભ લેવા અનુરોધ કર્યો છે. ઉલ્લેખનીય છે કે, તા.૧૭/૮/૨૦૨૩ થી શરૂ કરાયેલી આ બસ આહવાથી દરરોજ સવારે ૧૦:૧૫ કલાકે વાયા પિંપરી, કાલીબેલ, ભેંસકાતરી, વ્યારા, બારડોલી. સુરત, વડોદરા, અમદાવાદ થઈ રાત્રે ૨૧:૦૦ કલાકે ગાંધીનગર પહોંચી રાત્રિ મુકામ કરશે. જે બીજા દિવસે સવારે ૬:૩૫ કલાકે ગાંધીનગરથી નીકળી વાયા અમદાવાદ, વડોદરા, સુરત, બારડોલી, વાલોડ, બુહારી, ઉનાઇ, વાંસદા, વઘઇ, પિંપરી થઈ સાંજે ૧૭:૨૦ કલાકે આહવા આવી પહોંચશે.

-

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590