ગુજરાતમાં પ્રધાનમંત્રી આવાસ યોજના હેઠળ 11.56 લાખ મકાનોનું નિર્માણ

પ્રધાનમંત્રી આવાસ યોજનાના અમલીકરણ માં ગુજરાત દેશના અન્ય રાજ્યોની સરખામણીમાં ઘણું આગળ છે. પ્રધાનમંત્રી આવાસ યોજના હેઠળ રાજ્યમાં 11.56 લાખથી વધુ મકાનો બાંધવામાં આવ્યા છે, જેમાં શહેરી વિસ્તારોમાં કુલ 7.50 લાખ મકાનો પૂર્ણ કરવામાં આવ્યા છે જ્યારે ગ્રામીણ વિસ્તારોમાં 4.06 લાખથી વધુ મકાનોનું બાંધકામ પૂર્ણ કરવામાં આવ્યું છે.

વડા પ્રધાન નરેન્દ્ર મોદીએ વર્ષ 2015માં શહેરી વિસ્તારોને ઝૂંપડપટ્ટી માંથી મુક્ત કરવા અને ગરીબ વર્ગના પરિવારોને તેમના સપનાનું ઘર પૂરું પાડવાના ઉદ્દેશ્ય સાથે પ્રધાનમંત્રી આવાસ યોજના (શહેરી)ની જાહેરાત કરી હતી. બાદમાં વર્ષ 2016માં ગ્રામીણ વિસ્તારના લોકો માટે પણ પ્રધાનમંત્રી આવાસ યોજના (ગ્રામીણ) લાગુ કરવામાં આવી હતી.

આ યોજના (અર્બન) હેઠળ ગુજરાત માટે અંદાજિત માંગ મુજબ 7.64 લાખ મકાનો નો લક્ષ્યાંક નક્કી કરવામાં આવ્યો હતો, જેની સામે ગુજરાતે નિયત લક્ષ્યાંક કરતાં વધુ 9.54 લાખ મકાનો મંજૂર કર્યા છે. આ મંજૂર થયેલા મકાનોમાંથી 7.50 લાખ મકાનોનું બાંધકામ પૂર્ણ થયું છે. વર્ષ 2023 માટે પ્રધાનમંત્રી આવાસ યોજના (શહેરી) હેઠળ 1 લાખથી વધુ મકાનોનું નિર્માણ પૂર્ણ કરવાની યોજના છે, જેના માટે રાજ્ય સરકારે 1066 કરોડ રૂપિયાની જોગવાઈ કરી છે.


બીજી તરફ, પ્રધાનમંત્રી આવાસ યોજના (ગ્રામીણ) હેઠળ, અત્યાર સુધીમાં વિવિધ યોજનાઓમાં માળખાકીય સુવિધાઓ સાથે ગ્રામીણ વિસ્તારોમાં 4,06,000 થી વધુ મકાનો બનાવવામાં આવ્યા છે. આ માટે આ યોજના હેઠળ કુલ 4877.72 કરોડ રૂપિયાનો ખર્ચ કરવામાં આવ્યો છે. વર્ષ 2023 માટે, પ્રધાનમંત્રી આવાસ યોજના (ગ્રામીણ) હેઠળ 1,84,605 મકાનો બનાવવાનું લક્ષ્ય નિર્ધારિત કરવામાં આવ્યું છે, જે અંતર્ગત લાભાર્થીઓને 2215.26 કરોડ રૂપિયાની નાણાકીય સહાય ચૂકવવામાં આવશે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590