રાજસ્થાન: સીએમ અશોક ગેહલોતે પોતાની જ સરકારનો વિરોધ કરનારા મંત્રી રાજેન્દ્ર ગુડાને બરતરફ કર્યા

મુખ્યમંત્રી અશોક ગેહલોતની ભલામણ પર રાજ્યપાલ કલરાજ મિશ્રાએ સૈનિક કલ્યાણ મંત્રી રાજેન્દ્ર ગુડાને મંત્રી પદેથી હટાવી દીધા છે. ગેહલોતે શુક્રવારે સાંજે જ રાજ્યપાલને આ ભલામણ મોકલી હતી.જેને સ્વીકારીને રાજ્યપાલે આ આદેશ જારી કર્યો છે.

ગુડા સતત પોતાની જ સરકારને ભીંસમાં મૂકી રહ્યા હતા.શુક્રવારે વિધાનસભામાં લઘુત્તમ આવક ગેરંટી બિલ પર ચર્ચા દરમિયાન, ગુડાએ પોતાની સરકાર પર મહિલાઓની સુરક્ષામાં નિષ્ફળ જવાનો આરોપ લગાવ્યો હતો. મણિપુરમાં તોફાની ટોળા દ્વારા મહિલાઓની નગ્ન પરેડની ઘટનાના વિરોધમાં કોંગ્રેસના ધારાસભ્યોએ વિધાનસભામાં પ્લેકાર્ડ લહેરાવ્યા ત્યારે ગુડાએ કહ્યું કે રાજસ્થાનમાં એ વાત સાચી છે કે અમે મહિલાઓની સુરક્ષામાં નિષ્ફળ ગયા છીએ.

રાજસ્થાનમાં જે રીતે મહિલાઓ પરના અત્યાચારો વધ્યા છે, મણિપુરને બદલે આપણે આપણા પોતાના ઘરની પાછળ નજર કરવી જોઈએ.આ પહેલા પણ ગુડા અનેક જાહેર મંચો પર પોતાની જ સરકારને ઘેરી ચૂક્યા છે.તમને જણાવી દઈએ કે રાજેન્દ્ર ગુડા, બસપાના તમામ છ ધારાસભ્યો કોંગ્રેસમાં ભળી ગયા હતા.આ પહેલા પણ 2009માં ગેહલોત સરકાર દરમિયાન ગુડા સહિત બસપાના તમામ ધારાસભ્યો કોંગ્રેસમાં જોડાયા હતા.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590