તાપી એલસીબીએ પ્રોહિબિશનના ગુનામાં સંડોવાયેલા વોન્ટેડ આરોપીને ઝડપી પાડયો

તાપી જિલ્લા એલસીબી ટીમે  સોનગઢ પોલીસ મથકે  દારૂના ગુનામાં નાસતા ફરતા આરોપી સુરેન્દ્રભાઈ ગામીતની બાતમીના આધારે ધરપકડ કરી હતી.  

સોનગઢ પોલીસે  ગત તારીખ ૨૮/૦૫/૨૦૨૩ ના રોજ  સાંઢકુવા ગામના નિશાળ ફળિયામાંથી સ્વીફ્ટ ફોર વ્હીલ ગાડી નં. GJ - 16 - AJ - 3623 માં વગર પાસ પરમીટે ભરેલ ગેરકાયદેસરનો ભારતીય બનાવટનો રૂ.૭૪,૦૦૦/- નો ઇંગ્લિશ દારૂનો જથ્થો ઝડપી પાડ્યો હતો, ત્યારે કાર ચાલક સુરેન્દ્રભાઈ ગોપાલભાઈ ગામીત (રહે.નિશાળ ફળિયુ ગામ.સાંઢકુવા તા.સોનગઢ જી.તાપી )નાસી છૂટ્યો હતો.જે બાદ સોનગઢ પોલીસે સુરેન્દ્રભાઈ ને વોન્ટેડ જાહેર કર્યો હતો.

ત્યારે તાપી જિલ્લા એલ સી બી એ બાતમીના આધારે આ નાસતા ફરતા આરોપીને સાંઢકુવા ગામના ચાર રસ્તા પાસેથી ઝડપી પાડ્યો હતો.તેમજ પ્રાથમિક તપાસમાં આરોપીએ કબૂલ્યું હતું કે,દારૂના જથ્થાની હેરાફેરી કરતો હોય ત્યારે તા.૨૮/૦૫/૨૦૨૩ ના રોજ દારૂનો જથ્થો પ્રતિક ઉર્ફે પકો છનાભાઈ ગામીત (રહે.વાંકલા તા.ડોલવણ જિ.તાપી)ને આપવાનો હતો.જે બાદ દારૂનો જથ્થો મંગાવનાર પ્રતિક ગામિતને વોન્ટેડ જાહેર કરવામાં આવ્યો છે.અને જિલ્લા એલસીબી ટીમે આરોપી સુરેન્દ્રભાઈ ને સોનગઢ પોલીસને હવાલે કરી, સોનગઢ પોલીસે આગળની વધુ તપાસ હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590