તાપી જિલ્લા એલસીબી એ સોનગઢ પોલીસ મથકે દારૂના ગુન્હામાં સંડોવાયેલ વોન્ટેડ આરોપીને ઝડપી પાડ્યો

તાપી જિલ્લા એલસીબી તથા પેરોલ ફર્લો સ્કોર્ડ તાપી પોલીસ સ્ટાફના માણસોએ વાલોડ તાલુકાના બાજીપુરા ખાતેથી સોનગઢ પોલીસ મથકે દારૂના ગુન્હામાં સંડોવાયેલ વોન્ટેડ આરોપીને ઝડપી પાડયો હતો.

તાપી જિલ્લા એલસીબી તથા પેરોલ ફર્લો સ્કોર્ડ તાપી પોલીસ સ્ટાફના માણસો વાલોડ પોલીસ સ્ટેશન વિસ્તારમાં પેટ્રોલિંગમાં હતા.તે દરમિયાન પોલીસ સ્ટાફના ખાનગી રાહે બાતમી મળી હતી કે,બાજીપુરા સુમુલ બ્રિજ પાસે સોનગઢ પોલીસ સ્ટેશનમાં દારૂના ગુન્હામાં  સંડોવાયેલ  વોન્ટેડ આરોપી આશિષ રાજેશ ચૌધરી જોવા મળેલ છે.જે બાતમી ના આધારે તાપી જિલ્લા એલસીબી તથા  પેરોલ ફર્લો સ્કોર્ડ તાપી પોલીસ સ્ટાફના માણસો બાજીપુરા સુમુલ બ્રિજ પાસે પહોંચ્યા હતા. અને સોનગઢ પોલીસ મથકે દારૂના ગુન્હામાં નાસતા ફરતા વોન્ટેડ આરોપી આશિષ રાજેશ ચૌધરી (રહે.સઠવાવ તા.માંડવી જી.સુરત) ને ઝડપી પાડ્યો હતો.પોલીસે વોન્ટેડ આરોપીની અટકાયત કરી,આરોપીને સોનગઢ પોલીસ ને સોંપવાની તજવીજ હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590