સોનગઢ આરટીઓ પાસે કતલખાને લઇ જતા પશુઓના ટ્રક સાથે 2 ઝડપાયા,2 વોન્ટેડ,12.9 લાખનો મુદ્દામાલ જપ્ત

સોનગઢ પોલીસે આરટીઓ પાસે કતલખાને લઈ જતા ટ્રક સાથે 2 ને ઝડપી પાડ્યા હતા.તેમજ 12.9 લાખનો મુદ્દામાલ જપ્ત કરી,2ને વોન્ટેડ જાહેર કરવામાં આવ્યા હતા.

સોનગઢ પોલીસ સ્ટાફના માણસોને ખાનગી રાહે બાતમી મળી હતી કે,એક ટ્રકમાં બે ઇસમો નવેક જેટલી દુધાળી ભેંસો ભરીને પસાર થનાર છે.જે બાતમીના આધારે સોનગઢ પોલીસ સ્ટાફના માણસોએ આરટીઓ પાસે વોચ ગોઠવી હતી.તે દરમિયાન અશોક લેલેન્ડ કંપનીનો ટ્રક રજી.નં-GJ-24-X-3007 આવતા તેની ચેકીંગ કરવામાં આવી હતી.ત્યારે ટ્રકમાંથી કુલ 9 જેટલી ભેંસો મળી મળી આવી હતી.જે બાદ પોલીસે ટ્રક સવાર (1)અમિત દેવા હાડગરડા અને (2)અજીત અરજણ હાડગરડા (બંને રહે.ગામ.માણાવદર, તા.માણાવદર જી.જૂનાગઢ)ની ધરપકડ કરી હતી.તેમજ કુલ ભેંસ નંગ 9 જેની કિંમત રૂપિયા 2.7 લાખ તથા ટ્રક જેની કિંમત રૂપિયા 10 લાખ તથા મોબાઇલ નંગ 2 જેની કિંમત રૂપિયા 20 હજાર એમ મળી કુલ કિંમત રૂપિયા 12.9 લાખનો મુદ્દામાલ પોલીસે જપ્ત કર્યો હતો.અને ભેંસો ભરી આપનાર તથા મહારાષ્ટ્રના ધૂલીયા ખાતે લેનાર મયુર દેવા હાડગરડા (રહે.માણાવદર, બાવાની વાડીમાં, તા.માણાવદર,જી.જુનાગઢ ) તથા ભેંસોની હેરાફેરી માટે ટ્રક ભાડેથી આપનાર લખન અરજણ આહિર, (રહે.માણાવદર, બસ સ્ટેશન પાછળ, તા.માણાવદર,જી.જુનાગઢ) એમ 2 ને વોન્ટેડ જાહેર કરવામાં આવ્યા હતા.સોનગઢ પોલીસે આ અંગેનો ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590