સોનગઢના માંડલ ટોલ પાસેથી બાઈક પર દારૂનો જથ્થો લઈ જતાં ૩ ઝડપાયા,૩ વોંટેડ

સોનગઢ ના માંડળ ટોલનાકા પાસેથી 3 બાઈક પર લઈ જવાતા દારૂના જથ્થા સાથે 3 ને  સોનગઢ પોલીસે ઝડપી પાડ્યા હતા,તેમજ ત્રણને વોન્ટેડ જાહેર કરી કુલ રૂપિયા 1,15,000/- નો મુદ્દામાલ કબજે કર્યો હતો.

સોનગઢ પોલીસ સ્ટાફના માણસો  પેટ્રોલીંગમાં હતા , તે દરમિયાન બાતમી  મળી હતી કે, સુરત ધુલિયા  નેશનલ હાઇવે 53 પરથી ત્રણ બાઈક સવાર દારૂનો જથ્થો લઈ જવાના છે. જે બાતમીના આધારે સોનગઢ પોલીસે વોચ ગોઠવી હતી. ત્યારે  હોન્ડા કંપનીની એકટીવા મોટરસાયકલ રજી.GJ -26- S-5561 , હીરો હોન્ડા કંપનીની સ્પ્લેન્ડર મોટર સાયકલ રજી. નં.GJ -19-E-9730, હોન્ડા કંપનીની એકટીવા મોટરસાયકલ નં.GJ -19- AQ - 9795 એમ ત્રણ બાઇકની ચેકિંગ કરતા તેમાંથી દારૂનો જથ્થો કુલ બોટલ નંગ 246 જેની કિંમત રૂપિયા 18,600/- મળી  આવી હતી. જે બાદ પોલીસે ત્રણેય બાઈક ચાલકની અટક કરી હતી. પોલીસે (1) વિપુલ વસંતજીભાઈ ગામીત (રહે. આછલવા તા.સોનગઢ જી.તાપી),(2) દિનેશ રામાભાઈ વળવી (રહે. ખાબદા તા.ઉચ્છલ જી.તાપી),(3) અર્જુન સુરેશ ચૌધરી (રહે.કાનપુરા તા.વ્યારા જી.તાપી) ની ધરપકડ કરવામાં આવી હતી.

તેમજ ત્રણેય બાઈક અને દારૂનો જથ્થો એમ મળી કુલ રૂપિયા 1,15,000/- નો મુદ્દામાલ કબજે કરવામાં આવ્યો હતો. અને દારૂનો જથ્થો ભરી  આપનાર (૦૧) નવાપુર મચ્છી માર્કેટ માં આવેલ  સ્ટાર વાઇન શોપ માંથી મુકેશ જેસ્વાલ, (રહે-નવાપુર જેના પુરા નામ સરનામાની ખબર નથી), (૦ર) નવાપુરના એમ.ડી વાઇન શોપના કામ કરતા જગનભાઇ  તથા (૦૩)દારૂનો જથ્થો મંગાવનાર રોહિત રાઠોડ (રહે-આકોટી,તા-બારડોલી, જિ-સુરત) ને વોન્ટેડ જાહેર કરવામાં આવ્યા હતા. આ અંગેની ફરિયાદ સોનગઢ પોલીસ મથકે નોંધી વોન્ટેડ આરોપીની શોધખોળ હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590