વાલોડના ડુમખલ ખાતેથી ૬ જુગારીઓ ઝડપાયા,૧૧ હજારનો મુદ્દામાલ જપ્ત

વાલોડ પોલીસે ડુમખલ ખાતેથી ગંજીપાના નો પૈસા પર હારજીતનો  જુગાર રમતા ૬ જુગારીઓને ઝડપી પાડ્યા હતા.તેમજ સ્થળ પરથી કુલ કિંમત રૂપિયા ૧૧,૪૫૦/- નો મુદ્દામાલ પોલીસે જપ્ત કર્યો હતો.

વાલોડ પોલીસ સ્ટાફના માણસોને ખાનગી રાહે બાતમી મળી હતી કે,ડુમખલ ખાતે પેપરમીલ ફળિયામાં ઈંટવાળાના ભટ્ટાની સામે  કેટલાક  ઈસમો ગંજીપાના નો જુગાર રમી રહ્યા છે.જે બાતમીના આધારે વાલોડ પોલીસ સ્ટાફના માણસોએ પેપર મીલ ફળિયામાં ઈંટવાળાના ભટ્ટાની સામે રેડ કરી હતી.ત્યારે પોલીસે સ્થળ પરથી (૧) સુરેશ નવીન ચૌધરી, (૨) બીપીન નટુ ગામીત, (૩) કૌશિક રામસિંગ ચૌધરી, (૪) વિકેશ હરીશ ગામીત, (૫) રમેશ પ્રતાપ ગામીત, (૬) જયેશ ધનસુખ ગામીત (તમામ રહે.ડુમખલ તા.વાલોડ જી.તાપી ) એમ કુલ ૬ જુગારીઓની અટકાયત કરી હતી.તેમજ કુલ કિંમત રૂપિયા ૧૧,૪૫૦/- નો મુદ્દામાલ પોલીસે જપ્ત કર્યો હતો.વાલોડ પોલીસે આ અંગેનો ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590