સોનગઢના રાણીઆંબા ખાતે બાઈક ચાલક પર ટ્રેક્ટર ચલાવી દેતા,બાઈક ચાલકનું ઘટના સ્થળે જ મોત

સોનગઢના રાણીઆંબા ફાટક પાસે વળાંકમાં અજાણ્યા ટ્રેકટર ચાલકે મોટરસાયકલ ને ટક્કર મારી,મોટરસાયકલ ચાલક પર ટ્રેકટર ચલાવી દેતા મોટરસાયકલ ચાલકનું ઘટના સ્થળે જ કરૂણ મોત નીપજ્યું હતું.

સોનગઢ તાલુકાના ચીમકુવા ગામના દેવજી માંગીયા ગામીત (ઉ.વ.આ.૬૦)પોતાની કબજાની મોટરસાયકલ રજી.નં. GJ-19-J-1575 પર સવાર થઈ સોનગઢ ખાતે શાકભાજી લેવા માટે જતા હતા.ત્યારે દેવજી માંગીયા ગામીત  સોનગઢના રાણીઆંબા ફાટક પાસે વળાંક પાસેથી પસાર થઈ રહ્યા હતા.તે વેળાએ અજાણ્યા ટ્રેકટર ચાલકે પોતાનું વાહન પુરઝડપે અને ગફલત ભરી રીતે હંકારી લાવી દેવજી ગામીતની મોટરસાયકલને  ટક્કર મારી દીધી હતી.અને ટ્રેકટર ચાલકે દેવજી ગામીતના પેટથી નીચેના ભાગ પરથી ટ્રેક્ટર ચલાવી દીધું હતું.અકસ્માતમાં દેવજી ગામીત ને  ગંભીર ઇજાઓ પહોંચતા  સ્થળ પર જ મોત નિપજ્યું હતું.ત્યારે સોનગઢ પોલીસે અકસ્માત અંગે ગુન્હો નોંધી,આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590