વાલોડના વીરપુર ખાતેથી ગંજી પાનાનો જુગાર રમતા પાંચ જુગારીઓ ઝડપાયા

વાલોડ તાલુકાના વીરપુર ગામ ખાતે ગેરકાયદેસર ગંજી પાનાનો પૈસા પર હારજીતનો જુગાર રમતા પાંચ જુગારીઓ ઝડપાયા હતા.તેમજ પોલીસે કુલ કિંમત રૂપિયા ૧૦૮૦/- નો મુદ્દામાલ જપ્ત કર્યો હતો.

વાલોડ પોલીસ સ્ટાફના માણસોને ખાનગી રાહે બાતમી મળી હતી કે,વીરપુર ગામે નાયકીવાડ ફળીયામાં જાહેરમાં કેટલાક ઇસમો નીચે બેસી ગોળ કુંડાળું કરી ગંજી પાનાનો પૈસા પર હારજીતનો જુગાર રમે છે.જે બાતમીના આધારે વાલોડ પોલીસ સ્ટાફના માણસોએ નાયકીવાડ ફળીયામાં રેડ કરી હતી.ત્યારે પાંચ જેટલા ઈસમો ગંજી પાનાનો પૈસા પર હારજીતનો જુગાર રમતા ઝડપાયા હતા.પોલીસે સ્થળ પરથી (૧)હસમુખ શુક્કર કોકણી,(૨)પ્રફુલ ભાણા ચૌધરી,(૩)રવી ભીમા નાયક,(૪)મહેશ કલ્યાણ ભંડારી,(૫)રાજુ ડાહ્યાભાઇ પટેલ (તમામ રહે.વીરપુર તા.વાલોડ જી.તાપી)ની અટક કરી હતી.તેમજ સ્થળ પરથી કુલ કિંમત રૂપિયા ૧૦૮૦ નો મુદ્દામાલ પોલીસે જપ્ત કર્યો હતો.વાલોડ પોલીસે આ અંગે ગુન્હો નોંધી, આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590