વ્યારાના ઉંચામાળા ગામ ખાતે કાર ચાલકે બાઈકને ટક્કર મારી દેતાં અકસ્માત,એકનું મોત

વ્યારા તાલુકાના ઉંચામાળા ગામ ખાતે  ફોર વ્હીલ ચાલકે મોટરસાયકલ ને ટક્કર મારી દેતાં અકસ્માત સર્જાયો હતો.અકસ્માતમાં બાઈક સવારનું સ્થળ પર જ મોત નિપજ્યું હતું.

વ્યારા તાલુકાના ચાંપાવાડી ગામના મનીષ રાકેશ ગામીત પોતાના કબજા ની સ્પેલેન્ડર મોટરસાયકલ નં- GJ-26-J-0468 પર સવાર થઈને પોતાના ઘરેથી ટાયર ની ટ્યુબ લઈ ઉચામાળા તરફ જતા હતા. તે વેળાએ  ઉચામાળા ગામના  મહુડી ફળીયાની સીમમાંથી પસાર  થતા વ્યાસ-માંડવી રોડ પરથી પસાર થતી વેળાએ  મુસ્તફા નજીરઅલી સૈફી એ પોતાના કબજા ની ફોરવ્હીલ ગાડી નંબર -GJ-26-A-3786 અણુમાલા ટાઊનશીપ તરફથી પુર ઝડપે અને ગફલત ભરી રીતે હંકારી લાવી મોટરસાયકલને  આગળના ભાગે અથડાવી દેતા અકસ્માત સર્જાયો હતો.અકસ્માતમાં મોટર સાયકલ ચાલક ને માથામાં ગંભીર ઇજાઓ પહોંચતા સ્થળ પર જ મોત નિપજ્યું હતું.કાકરાપાર પોલીસે અકસ્માત અંગે ગુન્હો નોંધી,આગળની કાર્યવાહી હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590