સોનગઢ પોલીસનો સપાટો : વરલી મટકાનો જુગાર રમતા 5 ઝડપાયા,1 લાખથી વધુનો મુદ્દામાલ જપ્ત

સોનગઢ ખાતે ગેરકાયદેસર વરલી મટકાના અંકો  ઉપર  પૈસાનો જુગાર રમતા 5 ની અટક કરવામાં આવી હતી.તેમજ સ્થળ પરથી કુલ કિંમત રૂપિયા 1,13,980/- નો મુદ્દામાલ પોલીસે જપ્ત કર્યો હતો.

સોનગઢ પોલીસને ખાનગી રાહે બાતમી મળી હતી કે,સોનગઢના મચ્છી બજારમાં નાસિર દિલાવર કુરેશી  પોતાના જનરલ સ્ટોર ની બાજુ ના ભાગે કેટલાક ઇસમો મુંબઇ થી નિકળતા વરલી મટકાના અંકો ઉપર પૈસા વતી હારજીતનો જુગાર રમી રહ્યા છે.જે બાતમીના આધારે સોનગઢ પોલીસ સ્ટાફના માણસોએ મચ્છી બજારમાં નાસિર દિલાવર કુરેશીની જનરલ સ્ટોર ની બાજુમા રેડ કરી હતી.ત્યારે વરલી મટકાનો અંકો  લખી હારજીતનો જુગાર રમતા  5 ઝડપાયા હતા.પોલીસે સ્થળ પરથી (1)નાસિર દિલાવર કુરેશી(રહે.પોસ્ટ ઓફિસની સામે, ઇસ્લામપુરા, સોનગઢ તા.સોનગઢ જી.તાપી),(2)રંગજી ઈર્ષા ગામીત (રહે.ઝરાલી, ફુટલી ફળીયુ, તા-સોનગઢ, જિ-તાપી),(3)ગોપાલ સાલીકઈ સાળુંકે (રહે.જમાદાર ફળીયું,સોનગઢ તા.સોનગઢ જી.તાપી),(4)સુરેશ ગોવિંદ ગામીત(રહે.પટેલ ફળીયું, પોખરણ તા.સોનગઢ જી.તાપી),(5)અશોક સુકરીયા ભીલ(રહે.દક્ષિણ ફળિયું, કીકાકુઇ તા.સોનગઢ જી.તાપી) એમ 5 ની અટકાયત કરવામાં આવી હતી.

તેમજ સ્થળ પરથી રોકડ રૂપિયા 13,480/- તથા મોબાઇલ નંગ 4 જેની કિંમત રૂપિયા 20,500/- તથા મોટરસાયકલ નંગ 2 જેની કિંમત રૂપિયા 80,000/- એમ મળી કુલ કિંમત રૂપિયા 1,13,980/- નો મુદ્દામાલ પોલીસે જપ્ત કર્યો હતો .આ અંગે ગુન્હો નોંધી સોનગઢ પોલીસે આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590