તાપી એલસીબીનો સપાટો : સોનગઢના માંડળ ટોલનાકા પાસે થી આઇસર ટેમ્પોમાં લઇ જવાતા દારૂના જથ્થા સાથે 2 ઝડપાયા,12.8 લાખનો મુદ્દામાલ જપ્ત,3 વોન્ટેડ

સોનગઢના માંડળ ટોલનાકા પાસે થી આઇસર ટેમ્પો માં આયુર્વેદિક દવાની બીલ્ટી ની આડમાં લઈ જવાતો દારૂના જથ્થા સાથે બે ની અટકાયત કરવામાં આવી હતી. તેમજ કુલ કિંમત રૂપિયા 12,84,200/- નો મુદ્દામાલ પોલીસે જપ્ત કર્યો હતો.

તાપી જિલ્લા એલસીબી સ્ટાફના માણસોને બાતમી મળી હતી કે,મહારાષ્ટ્ર રાજ્યના નવાપુર તરફથી  આઇસર ટેમ્પો નં. MH-05-DK-0642 માં  ઇગ્લીશ દારૂનો જથ્થો ભરી  સોનગઢ થી પસાર થઈને કડોદરા તરફ જનાર છે.જે બાતમીના આધારે સોનગઢ પોલીસ સ્ટાફના માણસોએ સોનગઢ માંડલ ટોલનાકા પાસે વોચ ગોઠવી હતી.ત્યારે આઇસર ટેમ્પો રજી. નં.MH-05-DK-0642 આવતા પોલીસ સ્ટાફના માણસોએ તેને રોકીને ચેકિંગ કરતા આયુર્વેદિક દવાની બીલ્ટી ની આડમાં  અલગ અલગ બ્રાન્ડનો ભારતીય બનાવટનો ઇગ્લીશ દારૂનો જથ્થો મળી આવ્યો હતો. જે બાદ પોલીસે ટેમ્પો સવાર (1)ધનરાજ નિમ્બા કુંવર,(2)દિલીપ નામદેવ બોરસે (બંને રહે.કોલીવાડા, કલસાડીગામ, તા.શહાર, જી.નંદુરબાર મહારાષ્ટ્ર) બંને ઇસમોની અટકાયત કરી હતી.

તેમજ દારૂનો જથ્થો કુલ બોટલ નંગ 6900 જેની કિંમત રૂપિયા 7,81,200/- તથા આઇસર ટેમ્પો જેની કિંમત રૂપિયા 5 લાખ તથા મોબાઇલ નંગ 2 જેની કિંમત રૂપિયા 3000/- એમ મળી કુલ કિંમત રૂપિયા 12,84,200/- નો મુદ્દામાલ પોલીસે જપ્ત કર્યો હતો.અને 3 ને વોન્ટેડ જાહેર કરવામાં આવ્યા હતા.સોનગઢ પોલીસ મથકે આ અંગેનો ગુન્હો  નોંધી આગળની કાર્યવાહી પોલીસ દ્વારા હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590