તાપી એલસીબીએ ડોલવણ ગામમાં જુગાર રમતા 8 જુગારીઓને ઝડપી પાડ્યા ,6 હજારનો મુદ્દામાલ જપ્ત

તાપી જિલ્લાના ડોલવણમાં  ગંજીપાનાનો પૈસા પર હારજીતનો જુગાર રમતા આઠ જુગારીઓની ધરપકડ કરવામાં આવી હતી, તેમજ 6 હાજરનો મુદ્દામાલ જપ્ત કરવામાં આવ્યો હતો.

તાપી જિલ્લા એલસીબી પોલીસ સ્ટાફના માણસોને  બાતમી મળી હતી કે, ડોલવણના નાહાણી ફળિયામાં સુરેશભાઈ રૂમજીભાઈ ચૌધરી ના ઘરના બહાર ઓટલા પર લાઈટના અજવાળામાં ખુલ્લામાં ગંજીપાના નો પૈસા પર હારજીતનો જુગાર રમવામાં આવી રહ્યો છે.જે બાદ બાતમીના આધારે તાપી  જિલ્લા એલસીબી સ્ટાફના માણસોએ ડોલવણના નાહાણી ફળિયામાં  રેડ કરી હતી. ત્યારે ગંજીપાના નો પૈસા પર હારજીતનો જુગાર રમતા 8  જુગારીઓ ઝડપાયા હતા. પોલીસે સ્થળ પરથી (1) નિખિલ નાનસિંગ ચૌધરી, (2) નવીન મગનભાઈ ચૌધરી,(3) અશોક મોહનભાઈ ચૌધરી, (4) મુકેશ સુરેશભાઈ ચૌધરી,(5) સમીર રામુભાઈ ચૌધરી  (પાંચેય રહે.નાહાણી ફળિયું,ડોલવણ તા.ડોલવણ જિ.તાપી),(6) રમણ પુનાભાઇ ગામીત (રહે. નવાઠી ફળીયુ,ગામ. પાટી તા.ડોલવણ જિ.તાપી),(7) અજય જતેસીંગભાઇ ગામીત,(રહે.દાદરી ફળિયુ,ડોલવણ તા.ડોલવણ જિ.તાપી )(8) સુરેશ રમેશભાઈ ગામીત (રહે.નદી ફળિયા ગામ. રીંગણ કચ્છ તા.ડોલવણ જિ.તાપી) એમ મળી કુલ 8 ની ધરપકડ કરી હતી.

તેમજ પોલીસે  દાવ પરના રૂપિયા 770/- અને રોકડ રૂપિયા 6,060/- એમ મળી કુલ રૂ.6,830/- નો મુદ્દામાલ પોલીસે જપ્ત કર્યો હતો. આ અંગેની ફરિયાદ ડોલવણ પોલીસ મથકે નોંધી આગળની વધુ તપાસ હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590