તાપી એલસીબીની કામગીરી : સોનગઢના લીમ્બી ગામ ખાતેથી 7 જુગારીઓ ઝડપાયા, 31 હજાર નો મુદ્દામાલ જપ્ત

તાપી જિલ્લા એલસીબીએ સોનગઢ તાલુકાના લીમ્બી ગામ ખાતેથી ગંજી પાનાનો પૈસા વડે હારજીતનો જુગાર રમતા  7 જુગારીઓને ઝડપી પાડ્યા હતા. તેમજ 31,900/- નો મુદ્દામાલ જપ્ત કરવામાં આવ્યો હતો.

તાપી જિલ્લા એલસીબી સ્ટાફના માણસોને ખાનગી રાહે બાતમી મળી હતી કે, સોનગઢ તાલુકાના લીમ્બી ગામે નાની પીપળ ફળિયામાં ગૌતમ દિનેશ વસાવા ના ઘરના ઓટલા ઉપર ગેરકાયદેસર ગંજીપાનાનો પૈસા પર હારજીતનો જુગાર રમવામાં આવી રહ્યો છે. જે બાતમીના આધારે એલસીબી સ્ટાફના માણસોએ લીમ્બી ગામે નાની પીપળ ફળિયામાં ગૌતમ દિનેશ વસાવા ના  ઘરે રેડ કરી હતી. ત્યારે કેટલાક ઈસમો ગંજી પાનાનો પૈસા પર હારજીતનો જુગાર રમતા ઝડપાયા હતા. જે બાદ પોલીસે સ્થળ પરથી (1)બાલુ ઢેડીયા વસાવા,(2) સાજન રામદાસ વસાવા, (3) ગૌતમ દિનેશ વસાવા, (4) ઈશ્વર ધુળજી ગામીત ,(5) રાજેન્દ્ર ઢેડીયા વસાવા ,(6) સુનિલ નંદા વસાવા અને (7) ઈશ્વર છગન વસાવા (રહે. લીમ્બી ગામ,તા.સોનગઢ જી.તાપી) એમ મળી સ્કૂલ સાત જુગારીઓની ધરપકડ કરવામાં આવી હતી.

તેમજ સ્થળ પરથી રોકડ રૂપિયા 11,400/- તથા મોબાઇલ નંગ -20,500/- એમ મળી કુલ કિંમત રૂપિયા 31,900/- નો મુદ્દામાલ પોલીસે જપ્ત કર્યો હતો. આ અંગેનો ગુન્હો ઉકાઈ પોલીસ મથકે નોંધી આગળની કાર્યવાહી હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590