તાપી જિલ્લા ભાજપ સંગઠનના ઉપપ્રમુખે વ્યારા APMCની ચૂંટણી લડવા કોંગ્રેસની પેનલમાંથી ફોર્મ ભર્યું,જાણો શું છે વિગત..

જિલ્લાના મુખ્ય મથક વ્યારા ખાતે આવનાર દિવસોમાં વ્યારા APMC ની ચૂંટણી યોજાવા જઈ રહી છે.અને હાલમાં ચુંટણીની સમગ્ર તૈયારી ચાલી રહી છે,  ત્યારે જિલ્લા ભાજપ સંગઠનના ઉપપ્રમુખ અરવિંદભાઈ રૂમસિંગભાઈ ચૌધરી એ કોંગ્રેસની પેનલમાંથી APMCની ચૂંટણી લડવા માટે ફોર્મ ભર્યું છે.જેના કારણે રાજકારણ ગરમાયું હોય તેવું જોવા મળી રહ્યું છે.

સૂત્રોના જણાવ્યા અનુસાર અરવિંદભાઈ ચૌધરીને ભારતીય જનતા પાર્ટી સામે કોઈ પણ પ્રકારની નારાજગી નથી, પરંતુ સ્થાનિક સંગઠન અદેખાઈ કરીને જુના મહેનતુ કાર્યકર્તાઓને સાઈડલાઈન કરતું હોવાના કારણે ઉપપ્રમુખનું પદ અને ભાજપ છોડવા મજબૂર બન્યા છે.

ભાજપ સંગઠન માંથી અરવિંદભાઈ ચૌધરી છૂટા થઈ રહ્યા છે તેની પ્રોસેસ  હજુ ચાલી રહી છે ,તેવામાં કોંગ્રેસની પેનલમાંથી ચૂંટણી લડવા માટે અરવિંદભાઈ મેદાને આવતા જુના કાર્યકર્તાઓના મનમાં પણ અસમજ  જોવા મળી રહી છે.અને અનેક સવાલો જૂના કાર્યકર્તાઓના મનમાં જોવા મળી રહ્યા છે. 

તાપી જિલ્લા ભાજપ સંગઠનની ભેદભાવભરી નીતિ ના કારણે આવનાર સમયમાં સ્થાનિક ભાજપ સંગઠનમાં કાર્યકર્તાઓ વચ્ચે મતભેદ કે નારાજગી સર્જાય તો નવાઈ નહીં.!

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590