સોનગઢના ડોસવાડા ખાતે દારૂની હેરાફેરીમાં વપરાતા ટેમ્પો સાથે બે ઝડપાયા,૧૦.૦૫ લાખનો મુદ્દામાલ જપ્ત,એક વોન્ટેડ

તાપી જિલ્લા એલ સી બી એ  સોનગઢ તાલુકાના ડોસવાડા ખાતે  દારૂ ના જથ્થા ની હેરફેર કરવા માટે વપરાતા ટ્રક સાથે  બે ને ઝડપી પાડયા હતા.તેમજ એકને વોન્ટેડ જાહેર કરી,૧૦.૦૫ લાખનો મુદ્દામાલ પોલીસે જપ્ત કર્યો હતો.

તાપી જિલ્લા એલસીબી પોલીસ સ્ટાફના માણસોને ખાનગી રાહે બાતમી મળી હતી કે,મહારાષ્ટ્રના નવાપુર તરફથી એક ટાટા ટેમ્પો નં- DN-09-S-9972 માં બે ઇસમો મહારાષ્ટ્ર તરફથી ઇંગ્લીશ દારૂનો જથ્થો ભરી આવી રહેલ છે.અને તે સોનગઢ થી થઈ સુરત તરફ જનાર છે.જે બાતમીના આધારે સોનગઢ પોલીસ સ્ટાફના માણસોએ ડોસવાડા પાટિયા પાસે વોચ ગોઠવી હતી. ત્યારે ટેમ્પો નં- DN-09-S-9972 આવતા પોલીસ સ્ટાફના માણસોએ ટેમ્પો ની તપાસ કરી હતી. પરંતુ દારૂનો જથ્થો મળી આવ્યો નહોતો અને ટેમ્પો માંથી સિમેન્ટ વેસ્ટ પાવડરની ગુણો મળી આવી હતી.

જે બાદ પોલીસ સ્ટાફના માણસોએ ટેમ્પામાં સવાર  અરુણ સોભાસીંગ રાજપુત (ઉ.વ.૪૩, હાલ રહે. બલીઠા તા.વાપી જી.વલસાડ, મૂળ રહે.ગામ.બોધીપુર પોસ્ટ- તરતી લક્ષણપુર થાના.નેવણીયા જી.જોનપુર યુ.પી. ) તથા અનીલ રામઅવતાર ગોડ (ઉ.વ. ૫૫, રહે. વાપી ટાઉન તા.વાપી જી.વલસાડ, મુળ રહે.ગામ.મુરારપુર પોસ્ટ-કમરીયા થાના. તરવા જી.આઝમગઢ યુપી.) ની પૂછપરછ હાથ ધરી હતી.ત્યારે બંને ઈસમોએ જણાવ્યું હતું કે, વાપી ખાતે રહેતા આસીફ લાખાણીએ  સેલવાસ ખાતેથી આ ટ્રકમાં હાલમાં ભરેલ કપડાની ચીંધી ના થેલા અને સિમેન્ટ વેસ્ટ પાવડર ની ગુણોની આડમાં બિલ વગરનો ઇંગ્લીશ દારૂની અલગ અલગ બનાવટની પેટીઓ  ભરી આપી હતી.અને આ ટેમ્પામાં ભરેલ ઇગ્લીશ દારૂ મહારાષ્ટ્ર રાજ્યના નવાપુર ખાતે ખાલી કરવા જણાવેલ હતું.અને આ ટેમ્પા ઉપ૨ પહેલા બીજી નંબર પ્લેટ લાગેલ હતી તે કાઢીને આ આશીફએ હાલની આ ખોટી નંબર પ્લેટ લગાવી હતી.

ત્યારે પોલીસે બંને ઇસમોની અટકાયત કરી હતી. અને આસિફ લાખાણીને પણ વોન્ટેડ જાહેર કરવામાં આવ્યો હતો.તેમજ ટેમ્પો અને મોબાઇલ સહિત કુલ કિંમત રૂપિયા ૧૦.૦૫ લાખનો મુદ્દામાલ પોલીસે જપ્ત કર્યો હતો.સોનગઢ પોલીસ મથકે આ અંગે ગુન્હો નોંધી,આગળની કાર્યવાહી હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590