વ્યારાના વીરપુર ખાતે પશુઓને કતલખાને લઇ જતા આઇસર ટેમ્પા સાથે બે ઝડપાયા,૯.૬૦ લાખનો મુદ્દામાલ જપ્ત,એક વોન્ટેડ

વ્યારા તાલુકાના વિરપુર ગામની સીમમાંથી ગેરકાયદે પશુઓ ભરી ને કતલખાને લઈ જતા આઇસર ટેમ્પા સાથે બે ઝડપાયા હતા.તેમજ પોલીસે કુલ કિંમત રૂપિયા ૯.૬૦ લાખનો મુદ્દામાલ જપ્ત કર્યો હતો.અને એકને વોન્ટેડ જાહેર કરવામાં આવ્યો હતો.

વ્યારા પોલીસ સ્ટાફના માણસોને તાપી કંટ્રોલ રૂમ મારફતે  ટેલીફોનીક માહિતી મળી હતી કે,"વીરપુર ગામ ખાતે ખેતેશ્વર હોટલ પાસે એક ટેમ્પામાં ગેરકાયદેસર ભેંસો ભરેલ છે." જેના આધારે વ્યારા પોલીસ સ્ટાફના માણસો વીરપુર ગામની સીમમાંથી પસાર થતા વ્યારા થી સોનગઢ તરફ જતા હાઇવે રોડ ઉપર ખેતેશ્વ૨ હોટલની સામે પહોંચ્યા હતા.તે વેળાએ બંધ બોડીનો આઇસર ટેમ્પો રજી. નં. GJ 16 AV 6682 સાથે ટેમ્પો ચાલક અને કલીનર  હાજર હતા.પોલીસ સ્ટાફના માણસોએ ટેમ્પાની તપાસ કરતા તેમાંથી ગેરકાયદેસર રીતે કતલખાને લઈ જવાતી ૧૫ ભેંસ મળી આવી હતી.જે બાદ પોલીસ સ્ટાફના માણસો એ ટેમ્પો ચાલક મુસ્તાક આદમ પટેલ અને મોઈનોદ્દીન મઈદવલી ઘોડીવાલા (બંને રહે.ટંકરિયા ગામ તા.ભરૂચ જી.ભરૂચ)ની અટકાયત કરવામાં આવી હતી.તેમજ કુલ-૧૫ નંગ ભેંસ જેની કિંમત રૂપિયા  ૪.૫૦ લાખ તથા આઇસર ટેમ્પો જેની કિંમત રૂપિયા ૫ લાખ તથા મોબાઇલ ફોન નંગ ૦૨ જેની કિંમત રૂપિયા ૧૦ હજાર એમ મળી કુલ કિંમત રૂપિયા ૯.૬૦ લાખનો મુદ્દામાલ જપ્ત કરવામાં આવ્યો હતો.અને ટેમ્પામાં ભેસો ભરી આપનાર  ફારૂક ગરાસીયા (રહે. વલણ તા.કરજણ જી.વડોદરા)ને વોન્ટેડ જાહેર કરવામાં આવ્યો હતો.વ્યારા પોલીસે આ અંગે ગુન્હો નોંધી,આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590