સોનગઢના માંડળ ગામમાં દારૂની ખેપ મારતા બે ખેપિયાઓ ઝડપાયા ,બે વોન્ટેડ

સોનગઢ તાલુકાના  માંડળ ગામમાં મોપેડ પર દારૂની ખેપ મારતા બે ખેપિયાઓને પોલીસે ઝડપી લીધા હતા.તેમજ બે ને વોન્ટેડ જાહેર કરી,રૂ.૪૦,૬૦૦/- નો મુદ્દામાલ કબજે કર્યો હતો.

સોનગઢ પોલીસે બાતમીના આધારે માંડલ ટોલનાકા પાસે સુરત ધુલિયા નેશનલ હાઈવે નંબર 53 પર વોચ ગોઠવીને ઊભા હતા તે દરમિયાન રાજુભાઈ કાત્યાભાઈ માવચી અને  વિપુલભાઈ જાલમસિંગભાઈ માવચી (બંને રહે.ઝામણઝર દાદરી ફળીયા તા.નવાપુર જી.નંદુરબાર  મહારાષ્ટ્ર )પોતાના કબજા ની સુઝુકી કંપનીની એક્સેસ  મોટર સાયકલ નં. GJ-26-AC-0770 પર સવાર થઈ પસાર થઈ રહ્યા હતા ત્યારે પોલીસે તેમને  રોકી ગાડી ની ડીકી ચેક કરતાં  ગાડીની ડીક્કીમાંથી  દેશીદારૂનો જથ્થો કુલ બાટલી નંગ ૧૯૨  મળી આવું હતી.જેની કિ.રૂ.૯,૬૦૦ /- જે બાદ બંને ઇસમોની ધરપકડ કરવામાં આવી હતી.

પોલીસે  ઝડપી પાડેલ દારૂનો જથ્થો જેની કુલ કિં.રૂ.૯,૬૦૦/- તથા મોબાઇલ નંગ-૨ જેની કિં.રૂ.૧૦૦૦/- અને મોપેડ જેની કિં.રૂ.૩૦,૦૦૦/- એમ મળી કુલ રૂ.૪૦,૬૦૦/-નો  મુદ્દામાલ પોલીસે કબ્જે કર્યો હતો.દારૂનો જથ્થો મંગાવનાર અશોકભાઈ ચૌધરી (રહે.ભટલાવ તા.બારડોલી જી.સુરત )અને દારૂનો જથ્થો પુરો પાડનાર નવાપુર મચ્છી માર્કેટ માં આવેલ દેશી દારૂની શોપમાંથી મુકેશ ઈશ્વર જેસ્વાલ નામના ઈસમોને  વોન્ટેડ જાહેર કરવામાં આવ્યા    છે.આ અંગેની ફરિયાદ સોનગઢ પોલીસ મથકે નોંધી,પોલીસ દ્વારા આગળની કાર્યવાહી હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590