વ્યારા પોલીસે બે અલગ અલગ સ્થળેથી કુલ ૧૦ જુગારીઓને ઝડપી પાડ્યા,૫ હજારનો મુદ્દામાલ જપ્ત

વ્યારા પોલીસે નગરના સિંગી ફળિયા અને ઢોડિયાવાડ ખાતેથી ગેરકાયદેસર ગંજી પાનાનો પૈસા પર હારજીતનો જુગાર રમતા ૧૦ જુગારીઓને ઝડપી પાડ્યા હતા. તેમજ કૂલ કિંમત રૂપિયા ૫,૯૦૦/- નો મુદ્દામાલ પોલીસે જપ્ત કર્યો હતો.

વ્યારા પોલીસ સ્ટાફના માણસોને ખાનગી રાહે બાતમી મળી હતી કે,વ્યારાના સિંગી ફળિયા અને ઢોડિયાવાડ ખાતે કેટલાક ઈસમો દ્વારા ગંજી પાનાનો પૈસા પર હારજીતનો જુગાર રમવામાં આવી રહ્યો છે. જે બાતમીના આધારે વ્યારા પોલીસ સ્ટાફના માણસોએ ઢોડિયાવાડ ફળિયામાં રેડ કરી હતી. ત્યારે પોલીસે  સ્થળ પરથી (૧) અજય ટીનું ગામીત, (૨) મનોજ સુમન રાઠોડ, (૩) ભીખુ બાબુ ઢોડિયા,(૪) વિશાલ મહેશ ચૌધરી (તમામ રહે.વ્યારા તા.વ્યારા જી.તાપી) એમ ૪ ની અટકાયત કરી હતી. તેમજ સ્થળ પરથી કુલ કિંમત રૂપિયા ૩,૮૫૦/- નો મુદ્દામાલ પોલીસે જપ્ત કર્યો હતો.

વ્યારા પોલીસ સ્ટાફના માણસોએ સિંગી ફળિયા માં આદિવાસી ચોક પાસે ખુલ્લી જગ્યામાં રેડ કરી હતી ત્યારે ૬ જુગારીઓ ગંજી પાના નો પૈસા પર હારજીતનો જુગાર રમતા ઝડપાયા હતા. પોલીસે સ્થળ પરથી (૧) સાબીર હુસેન પઠાણ, (૨) ભાવેશ જીતુ ઢોડિયા,(૩) રોહિત રતનજી ગામીત ,(૪) ઈકબાલ હસન પઠાણ, (૫) વિજય શ્યામ ગામીત, (૬) જીગ્નેશ રમેશ ગામીત (તમામ રહે. વ્યારા તા.વ્યારા જી.તાપી )એમ ૬ ની અટકાયત કરી હતી. તેમજ સ્થળ પરથી કુલ કિંમત રૂપિયા ૨૦૫૦/- નો મુદ્દામાલ પોલીસે જપ્ત કર્યો હતો. વ્યારા પોલીસે બંને ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590