જિલ્લા શિક્ષણ અને તાલીમ ભવન વઘઇ ખાતે એજ્યુકેશન ઇનોવેશન ફેસ્ટિવલ યોજાયો

ગુજરાત શૈક્ષણિક સંશોધન અને તાલીમ પરિષદ ગાંધીનગર પ્રેરિત જિલ્લા શિક્ષણ અને તાલીમ ભવન, વઘઇ ખાતે વિધાનસભાના નાયબ દંડક શ્રી વિજયભાઈ પટેલ તેમજ ડાંગ જિલ્લા પંચાયત પ્રમુખ શ્રીમતી નિર્મળાબેન ગાઈનની અધ્યક્ષતામા નવમો એજ્યુકેશન ઇનોવેશન ફેસ્ટિવલ યોજવામા આવ્યો હતો.

વિધાનસભા નાયબ દંડક શ્રી વિજયભાઈ પટેલે આ પ્રસંગે જણાવ્યું હતું કે,ભવિષ્ય નિર્માણની જવાબદારી નિભાવનારા શિક્ષકો દ્વારા વિદ્યાર્થીઓમાં વાંચન, લેખન અને ગણન પ્રક્રિયા સરળ બનાવવા માટે નવતર પ્રયોગો કરી, ડાંગ જિલ્લાની શિક્ષણની ગુણવત્તામાં વધારો કરાયો છે. આજે ડાંગ જિલ્લાના છેવાડાની શાળા સુધી શિક્ષણની ઉજાશ પથરાઈ છે. વિજયભાઇ પટેલે શિક્ષકો દ્વારા નવતર પ્રયોગો દ્વારા અનુભવજન્ય શિક્ષણ ની સરાહના કરી હતી.

શિક્ષણ જગતમા નવતર પ્રયોગો થકી ગુણવત્તાયુક્ત શિક્ષણ આપવા બદલ ડાંગ જિલ્લા પ્રમુખ શ્રીમતી નિર્મળાબેન ગાઈન, તેમજ વઘઈ તાલુકા પંચાયતના પ્રમુખ ચંદરભાઈ  ગાવિતે શિક્ષકોને અભિનંદન પાઠવ્યા હતા. શિક્ષકો દ્વારા નવતર પ્રયોગો થકી જ શાળાઓની ગુણવત્તા માં વધારો થઇ શકે છે, તેમ જિ.સી.આર.ટી ગાંધીનગરના સંજયભાઇ ત્રિવેદીએ જણાવ્યુ હતુ.

વઘઇ ડાયટના પ્રાચાર્ય ડો.બી.એમ.રાઉતે કાર્યક્રમની રૂપરેખા આપી હતી.આ પ્રસંગે તેમણે જણાવ્યુ હતુ કે, હાલના ટેક્નોલોજીના યુગમાં શિક્ષણમાં આમૂલ પરિવર્તન જોવા મળે છે. વિકાસશીલ અને સમૃધ્ધ સમાજ મા શિક્ષણમાં પરિવર્તન જરૂરી છે, અને હાલમા શાળાના શિક્ષકો દ્વારા અનેક પધ્ધતિઓ પ્રયુક્તિ નો શિક્ષણમાં ઉપયોગ કરી નવતર પ્રવૃતિઓ કરવામાં આવી રહી છે. તેમજ શિક્ષકો દ્વારા નવતર પ્રવૃતિઓ કરવા બદલ શ્રી બી.એમ.રાઉતે શિક્ષકોને અભિનંદન પાઠવ્યા હતા.

વઘઇ ખાતે યોજાયેલ નવમા એજ્યુકેશન ઇનોવેશન ફેસ્ટિવલમા ડાંગ જિલ્લાના વિવિધ શાળાના શિક્ષકો દ્વારા નવતર પ્રવૃતિઓની કૃતિઓ રજુ કરવામા આવી હતી. એજ્યુકેશન ઇનોવેશન ફેસ્ટિવલમા વઘઇ તાલુકા પંચાયતના કારોબારી અધ્યક્ષ પાઉલભાઇ ગામીત, ડાંગ ભાજપ પાર્ટી પ્રમુખ  કિશોરભાઈ ગાવિત,ભાજપ મહામંત્રી  હરિરામભાઇ સાંવત, સામાજિક કાર્યકર સુભાષભાઇ ગાઇન, જિલ્લા શિક્ષણ અધિકારી  વિજયભાઇ દેશમુખ, બી.આર.સી./સી.આર.સી, શિક્ષક સંઘના પ્રમુખશ્રીઓ, હોદ્દેદારો તેમજ શિક્ષકો અને વિદ્યાર્થીઓ ઉપસ્થિત રહ્યા હતા.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590