GSEB: ધો.10 ની પૂરક પરીક્ષામાં 73.35 ટકા વિદ્યાર્થીઓ નાપાસ થયા

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB)ની 10મી પૂરક પરીક્ષામાં 73.35 ટકા વિદ્યાર્થીઓ નાપાસ થયા છે. 1,80,158 ઉમેદવારોમાંથી માત્ર 40,880 જ પરીક્ષા પાસ કરી શક્યા છે. પરીક્ષાનું કુલ પરિણામ માત્ર 26.65 ટકા આવ્યું છે. આ પરીક્ષામાં માત્ર 28.88 ટકા છોકરીઓ અને 25.09 ટકા છોકરાઓ પાસ થયા છે.

માર્ચમાં લેવાયેલી ગુજરાત બોર્ડ GSEBની 10મીની પરીક્ષામાં એક કે બે વિષયમાં નાપાસ થયેલા વિદ્યાર્થીઓને પૂરક પરીક્ષા પાસ કરવાની તક આપવામાં આવી હતી. આ વિદ્યાર્થીઓ માટે 13મી જુલાઈના રોજ પરીક્ષા લેવામાં આવી હતી. રાજ્યના 1,80,158 વિદ્યાર્થીઓએ પરીક્ષા માટે રજીસ્ટ્રેશન કરાવ્યું હતું અને 1,53,394 વિદ્યાર્થીઓએ પરીક્ષા આપી હતી. આ પરીક્ષાનું પરિણામ શુક્રવારે બોર્ડ દ્વારા તેની વેબસાઇટ પર જાહેર કરવામાં આવ્યું હતું. માત્ર 40,880 વિદ્યાર્થીઓ પરીક્ષા પાસ કરી શક્યા છે અને 1,12,514 વિદ્યાર્થીઓ નાપાસ થયા છે.

67 હજાર છોકરા અને 44 હજાર છોકરીઓ નાપાસ
GSEB 10મા પાસ કરવા માટે, રાજ્યમાંથી 1,00,425 વિદ્યાર્થીઓએ પૂરક પરીક્ષા માટે નોંધણી કરાવી હતી. આમાંથી 90,163 પરીક્ષામાં બેઠા અને માત્ર 22,620 પાસ થઈ શક્યા. વિદ્યાર્થીઓનું એકંદર પરિણામ 25.09 ટકા આવ્યું છે. 67,543 વિદ્યાર્થીઓ નાપાસ થયા છે. પરીક્ષા માટે કુલ 79,733 વિદ્યાર્થિનીઓએ નોંધણી કરાવી હતી, 63,231 પરીક્ષા આપી હતી અને 18,260 પાસ થઈ હતી. વિદ્યાર્થિનીઓનું પરિણામ 28.88 ટકા નોંધાયું છે. 44,971 વિદ્યાર્થીનીઓ નાપાસ થઈ છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590