વાલોડ ખાતે આવેલ શગુન પાપડ ઉદ્યોગના માલિકને ત્રણ અજાણ્યા ઈસમોએ માર મારતા પોલીસ ફરિયાદ

વાલોડ ખાતે આવેલ શગુન પાપડ ઉદ્યોગના માલિકને મોટરસાયકલ સવાર ત્રણ અજાણ્યા ઈસમોએ માર માર્યો હતો.જેમાં  સમગ્ર મામલાને લઈને પોલીસ ફરિયાદ નોંધવામાં આવી હતી.

વાલોડ ખાતે આવેલ શગુન પાપડ ઉદ્યોગના માલિક નિમેશ દિનેશચંદ્ર શાહ પોતાની બ્રેઝા કાર નં.GJ-26-N-2255 લઈને વાંકાનેર ખાતેથી પોતાનું કામ પૂર્ણ કરી પોતાના ઘરે વાલોડ પરત આવતા હતા. તે વેળાએ નિમેશ શાહની બ્રેઝા કાર ની પાછળ યુનિકોર્ન જેવી મોટર સાયકલના ચાલકે  બ્રેઝા કારને પાછળથી અથડાવી દીધી હતી,બ્રેઝા કારની બાજુમાં ડ્રાઇવર સાઈડે મોટર સાયકલ લાવી " અચાનક ગાડીની બ્રેક કેમ મારે છે?" તેમ કહી નાલાયક ગાળો બોલી ગાડી ની સામે યુનિકોર્ન જેવી મોટર સાયકલ ઉભી રાખી દીધી હતી.નીમેશ શાહ એ પણ પોતાની ગાડી ઉભી રાખતા યુનિકોર્ન જેવી મોટર સાયકલ ઉપર આવેલ ત્રણ અજાણ્યા પુરુષ ઇસમોએ શગુન પાપડ ઉદ્યોગના માલિક નિમેશ શાહને ઢીક્કામુક્કીનો  માર માર્યો હતો.તેમજ લાકડીઓ વડે  બ્રેઝા ગાડી ઉપર તથા નિમેશ શાહના જમણા હાથના ભાગે તથા જમણા પગમાં ઉપરા છાપરી લાકડીના સપાટા મારવામાં આવ્યા હતા.જેના કારણે નિમેશ શાહના શરીરે હાથે ફેક્ચર અને પગે ફ્રેક્ચર સાહિત નાની મોટી ઇજાઓ પહોંચી હતી.ત્યારે સમગ્ર મામલાને લઈને વાલોડ મથકે ફરિયાદ નોંધાવવામાં આવી હતી.વાલોડ પોલીસે આ અંગે ગુન્હો નોંધી આગળની કાર્યવાહી હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590