નવસારી કૃષિ યુનિવર્સિટીનાં કુલપતિ ડો.ઝેડ.પી.પટેલનાં અધ્યક્ષ સ્થાને સુરત કેવીકે ખાતે વૈજ્ઞાનિક સલાહકાર સમિતિની 13મી બેઠક મળી

નવસારી કૃષિ યુનિવર્સિટી, સુરત-કૃષિ વિજ્ઞાન કેન્દ્ર ખાતે નવસારી કૃષિ યુનિવર્સિટીના કુલપતિશ્રી ડો.ઝેડ.પી. પટેલના અધ્યક્ષ સ્થાને વૈજ્ઞાનિક સલાહકાર સમિતિની ૧૩મી બેઠક મળી હતી. 
           
બેઠકના અધ્યક્ષ તથા નવસારી કૃષિ યુનિવર્સિટીના કુલપતિશ્રી ડો.ઝેડ.પી.પટેલે કૃષિ વિજ્ઞાન કેન્દ્રની પ્રવૃતિઓને તેમની બિરદાવી હતી. તેમજ સુરત જીલ્લાના છેવાડાના ગામોમાં કૃષિની આધુનિક યાંત્રિકતાઓનો પ્રચાર પ્રસાર કરી રહ્યા છે. ત્યારે યુનિવર્સિટીના વિવિધ સંશોધનો ખેડુતો સુધી પહોંચાડવાના તેમજ જીલ્લાના દરેક ખેડુતો આ સંશોધનો માહિતગાર કરવા  વૈજ્ઞાનિકોને અનુરોધ કર્યો હતો.

વધુમાં તેમણે રીંગણનાં રોબોટીક કલમનો નિદર્શન થકી પ્રચાર પ્રસાર કરવા અંગે સુચન કર્યું હતું. તેમણે વન ટેકનોલોજી વન વિલેજ, વન ક્રોપ - વન વિલેજ કન્સેપ્ટનો પણ પ્રચાર પ્રસાર કરવા માટે ભાર મુક્યો હતો. વિસ્તરણ શિક્ષણ નિયામકશ્રી, ડો.એચ.આર. શર્મા એ ઈમ્પેક્ટ સ્ટડી/સફળ વાર્તા બનાવવા ઉપર ભાર મુક્યો હતો. 
            
કેન્દ્રના વડા ડો. જે. એચ. રાઠોડે ગતવર્ષ ૨૦૨૪નો કેન્દ્રનો પ્રગતિ અહેવાલ વિસ્તૃત રીતે રજૂ કર્યો હતો. સાથે વર્ષ દરમિયાન વિવિધ તાલીમો, અગ્રીમ હરોળ નિદર્શનો, ટેરેસ ગાર્ડનીંગ, નેચરલ ફાર્મીંગ તેમજ જુદી જુદી વિસ્તરણ પ્રવૃતિઓ, સફળ વાર્તાઓ તેમજ કેન્દ્રએ મેળવેલી સિધ્ધિઓની વિસ્તૃતમાં ચર્ચા કરી હતી. સદર બેઠકમાં ઉપસ્થિત પ્રગતિશીલ ખેડુતો તથા વિભાગના અધિકારીઓ દ્વારા આપવામાં આવેલ પ્રતિભાવો અને સૂચનો રજૂ કર્યા હતા. 
           
આ બેઠકમાં ડો. એચ. એમ. વિરડીયા, પ્રાધ્યાપક અને વડા, સસ્યવિજ્ઞાન, નવસારી, કેવિકેના વરિષ્ઠ વૈજ્ઞાનિક અને વડા, વૈજ્ઞાનિકશ્રીઓ, સુરત જીલ્લાના ખેતીવાડી, બાગાયત અને પશુપાલન વિભાગના અધિકારીશ્રીઓ, નવસારી કૃષિ યુનિવર્સિટીના સંશોધન તથા વિભાગના વડાશ્રીઓ, પ્રગતિશીલ ખેડુતશ્રીઓ, એન.જી.ઓના પ્રતિનિધિઓ, સ્વસહાય જુથની પ્રગતિશીલ મહિલા ઉપસ્થિત રહ્યા હતા.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590