સુરત મહાનગરપાલિકાએ શહેરમાં ઉત્પન્ન થતા ગંદાપાણીને સંસાધનમાં રૂપાંતરિત કર્યુ

116 એમએલડીની સ્થાપિત ક્ષમતાવાળા 4 ટર્શરી ટ્રીટમેન્ટ પ્લાન્ટ સ્થાપ્યા

સુરત મહાનગરપાલિકાએ 116 એમએલડીની સ્થાપિત ક્ષમતાવાળા 4 ટર્શરી ટ્રીટમેન્ટ પ્લાન્ટ સ્થાપીને શહેરમાં ઉત્પન્ન થતા ગંદાપાણીને સંસાધનમાં રૂપાંતરિત કર્યા છે, જેથી તાજા પાણીના સંસાધનો પરની નિર્ભરતા ઓછી કરી અને ટ્રીટેડ ગંદાપાણીને આર્થિક સંસાધન તરીકે ઉપયોગમાં લેવામાં આવી રહ્યું છે. સુરતે ડાયરેક્ટ સર્વિસ લાઇન તેમજ ટેન્કર ફિલિંગ સ્ટેશન દ્વારા ઔદ્યોગિક ઉપયોગ, તળાવોના પુનર્જીવન, કૃષિ-સામૂહિક વૃક્ષારોપણ, ગટરની સફાઈ, બાગકામ વગેરે જેવા વિવિધ બિન-પીવાલાયક હેતુઓ માટે ટ્રીટેડ વેસ્ટ વોટરનો પુનઃઉપયોગ શરૂ કર્યો છે. આજ સુધીમાં સુરતમાં 170 ગટર સફાઈ મશીનરી છે, જેમાં ગટર વ્યવસ્થાની સફાઈ માટે નવીનતમ અદ્યતન રોબોટિક ટેક્નોલોજી પર આધારિત મશીનરીનો પણ સમાવેશ થાય છે. વેસ્ટ મેનેજમેન્ટ:- તાજેતરના વર્ષોમાં સુરતમાં નોંધપાત્ર પરિવર્તન આવ્યું છે.

શહેરમાં ઉલ્લેખનીય પરિવર્તનોમાં પૈકી એક કચરાના ડમ્પને લોકો માટે બેસવા માટેના સ્થળોમાં રૂપાંતરિત કરવાનો છે. કચરાના ઢગલાઓને દૂર કરવા માટે, સુરત મ્યુનિસિપલ કોર્પોરેશન (SMC)એ આમાંથી ઘણા પોઈન્ટસને સિટીંગ એરિયામાં પરિવર્તિત કર્યા છે.તેઓ શહેરમાં કચરાના ડમ્પિંગ સ્પોટને ઘટાડવામાં મદદ કરવા સાથે લોકોને બેસવા અને આરામ કરવા માટે સ્વચ્છ અને આરામદાયક જગ્યા મળે એવો હેતુ છે.આ પહેલ હેઠળ સુરતે કચરાના ઢગલાઓના સ્થાને બેન્ચ, લાઇટ અને કચરાપેટીથી સજ્જ બેઠક વિસ્તાર બનાવ્યા.હરિયાળું વાતાવરણ બનાવવા અને જૈવવિવિધતાને પ્રોત્સાહન આપવા માટે વૃક્ષો અને છોડવાઓનું વાવેતર પણ કર્યું છે. ‘સંજય નગર સર્કલ’ આ પરિવર્તનના થોડાં ઉદાહરણોમાંનું એક છે, જ્યાં SMC દ્વારા કચરાના ડમ્પ સાઇટને સુંદર બેઠક વિસ્તારમાં રૂપાંતરિત કરી છે. આ સ્થળની સ્વચ્છતા જાળવવા માટે, SMCએ સવારે 5 વાગ્યે એક ગાર્ડને સ્થળ પર ગોઠવ્યો છે, જેથી નાગરિકો કચરો અહીં ન ફેંકે. SMC 100% કચરો સંગ્રહ
સુનિશ્ચિત કરવા માટે આસપાસના વિસ્તારમાંથી ડોર-ટુ-ડોર કચરાના સંગ્રહનું દૈનિક કવરેજ સુનિશ્ચિત કરે છે.

લાઈક અને ફોલો કરો અમારું ફેસબુક પેજ FACEBOOK - PROUDTAPI

ફોલો કરો અમારું ઇન્સ્ટાગ્રામ INSTAGRAM - PROUDTAPI

સબસ્ક્રાઈબ કરો અમારી યૂ ટ્યૂબ ચેનલ YOUTUBE - PROUDTAPI

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  8000930590